清熱 + 消暑

2012年5月29日上午12:52

5月28日  星期一  炎熱

大少係好易出暗瘡嘅人,
食少少熱氣野第二日就會爆兩粒,
所以佢成日幫襯涼茶鋪飲廿四味架!
有一日行行吓街佢又話要飲, 不過佢話今次唔飲廿四味,
飲五花茶喎!
唔係吖嘛!? 成八蚊雞飲一碗五花茶,
唔該你飲返廿四味, 五花茶等我煲俾你飲啦!

十三蚊包五花茶料, 可以煲到四支零一杯涼茶,
已經係落少咗水煲濃縮d架喇!
出去飲都係飲返廿四味抵d,
因為我唔會煲四支廿四味來飲,
五花茶嘛, 唔嫌多, 可以放落雪櫃慢慢飲!



清完熱, 輪到消暑喇!
早排行兩蚊店發現好野, 係我一早想搵來買嘅蒜頭磨碎器.
新C坑立刻整咗樽蒜蓉, 方便煮餸用.
又可以整吓D涼伴菜, 例如拍青瓜....

呢盒係用溫室青瓜嚟整, 係好食D嘅!

兔寶寶可能好想去街街shopping,
唔知佢點樣自己揹咗個環保袋週屋走....