情人節

2月18日  星期二  晴天

遲咗咁多先出情人節, 

實在有原因...

話說情人節果朝兔寶寶晨咁早醒咗, 

(真係晨咁早, 係半夜三四點)話要落街街...

大少竟然懶好人咁, 

真係帶咗佢落街, 

去就近7-11換隻情人節版Hello Kitty返嚟.

但此舉令兔小姐以為只要半夜起身,

就會有隻Hello Kitty作為獎勵... 

接著下來三四晚, 

兔小姐好似較咗鬧鐘咁,

瞓到一半就起身話要落街換Hello Kitty!

攪到我連續幾晚無覺好瞓, 

實拜大少所賜!

講返今年情人節..

早在正日前幾天,

大少已經作勢要走入花店買花!

我估佢知我實會拉住佢!

 花當然買不成, 折了現俾我~

大少千叮萬囑我要寫低: 佢要買花俾我, 係我唔要...喎~

始終都唔係十八廿二, 

對聖誕節情人節呢D, 都無乜特別感覺;

更加唔會想出去食飯俾人劏!

二月十四呢一日, 

兔寶寶家姐返返吓學發燒, 

學校打俾大少, 

要家長接回家.

大少陪女兒睇醫生、吃粥等等, 

已經無咗個上晝了.

到佢返到屋企, 

大少陪我去吃素...

真係"陪"! 得我一個食!

大少已經食飽粥了...

食套飯!

揀咗百頁豆腐..

茄汁扒G扒!

仲有羅漢齋.

素湯...

大少唔好意思坐响度唔叫野食, 

叫咗個素雪糕俾兔寶寶..

呀B開極都開唔到個蓋~~

Yummy! Yummy!

咩節日都好, 都係小朋友最開心~