2月19日 星期三 寒冷
呢排帶兔寶寶去公園,
佢唔係玩sir滑梯或者鞦韆,
反而係玩吹肥皂泡.
宜家佢已經夠氣自己吹!
响屋企無泡泡玩, 就玩吹BB!
再唔係, 吹爉燭吹上癮,
見火就吹, 玩吹蚊香!
當然, 俾兔寶寶拎得到嘅,
係未點著嘅蚊香...
吹氣米妮老鼠都照吹..
當然, 兔小姐係吹個米妮唔漲嘅...
呢個任務交由媽咪負責~
唔好旨意大少, 因為佢係無氣嘅,
連吹個汽球都要用泵..
兔寶寶, 安心畫你嘅畫啦~
呢排呀B好似生積咁食好多野,
果頭食完呢頭又肚餓.
出外食飯, 要叫三個大人份量嘅食物了.
過咗元宵, 兔寶寶有一項重要任務.
所有利是交由佢拆...
唔單止拆架, 仲要分門別類,
拆出來嘅利是封唔可以整爛, 疊返埋一疊;
銀紙還銀紙..
我就在旁檢查一下有無甩漏...
人生第一次拆利是,
坐定定花了個多小時完成!
拆到一百蚊紙仲會整個驚訝樣出來!
帶囡去燒嘢食起爐就最幫得口,吹起個火種,然後冇氣食嘢!哈哈哈哈哈哈…
回覆刪除留意傻妹缺氧呀,透唔轉啖氣就惡搞!
一百蚊有咁嘅表情,值呀! \^o^/
佢好似識分邊張金額多D咁~
刪除嘩! 一百蚊呀! 哈哈!
回覆刪除有一千蚊紙可能佢會仲驚喜, 可惜無! 哈哈!
刪除利是多 運氣多 兔寶寶拆利是多喜悅 我今年都有大利是 同你們一樣多喜悅 (^o^)
回覆刪除