豪華咖啡

10月31日  星期三  陰天

呢兩日天陰陰又落雨,
好彩星期日搬屋果日無落雨咋!
唔係就麻煩喇!

搬好晒D野入屋之後,
兔寶寶婆婆同舅父仲留底幫手執野.
有咗小朋友嘅屋企真係好多雜物,
最麻煩嘅係呢D雜物又好重要架喎~
到大少差不多要返工, 我就陪佢落街食咗碗牛筋麵.
反而舅父同婆婆無食過野添~
一路執野抺野又搬吓野咁,
直至五點幾, 佢地先至離開.
返入屯門前, 先去呢間好耐歷史嘅茶餐廳.

全間餐廳就係咁多野食架喇!
貴精不貴多吖嘛~
呢度無餐架, 全部都散嗌,
不過價錢唔貴.
呀哥要呢杯凍咖啡.

我嘅凍谷古.
雖然有D似朱古力, 不過唔係朱古力來,
好似比朱古力苦少少, 但又幾好飲喎!
以前我响其他地方叫過呢樣野,
佢都係俾杯朱古力我架咋!
就係因為呢杯咁特別嘅谷古,
我一定會再來, 淨係飲呢杯都值得.

呀媽好眼, 叫咗一杯餐牌度無嘅野,
呢杯特別介紹, 貼咗响幅牆度.
呀媽話粒桔仔好得意, 唔係咸柑桔嚟,
好特別喎~


我叫咗份奶醬多.

舅父要嘅蛋牛麥多.
小圖係叫錯咗, 又俾我地食埋嘅蛋牛多.
麥多原來是提子麥方包.

呀婆仲叫咗份芥央多, 急住食, 無影相.


食完呢餐, 呀婆就帶埋兔寶寶返入屯門,
等我自己一個專心D執屋了...