搬家

10月30日  星期二  雨天

剛剛過去的星期日,
我地正式搬過香港島了.

我地今次無搵搬屋公司呀!
謝謝大少由細玩到大, 開傢俬店的老友借出大型貨車,
借車不特止還落手落腳幫手搬搬抬抬;
連埋大少自己, 我哥哥和另外一位大隻佬朋友,
四個壯男夾手夾腳搬, 而我就負責執頭執尾,
老爺亦過來幫忙裝床....
而專門攪事的兔寶寶呢? 則由我媽媽看著,
佢地有另一個任務架!
就係看住架大貨車了.

搬到尾聲時, 平時唔多郁的我已經攰到暈暈地,
想話坐底休息一下...
兔寶寶這時卻走來要我抱....
於是出現咁嘅畫面:


睇樣呀B仲攰過我咁...

啱啱今日先攪掂條寬頻咋!
屋企仲有好多野要執,
接著下來又有另一個任務,
就是要幫兔寶寶報學校.
一日未攪掂呢樣野, 我心裡面總是囉囉髦,
有野牽掛著, 睡得不安寧呀~