週五大半天

8月12日  星期一  晴天

上星期五下晝, 兔寶寶要返一個新的playgroup課程.
煮埋LUNCH俾大少, 差不多14:50才出門,
幸好折到的士, 準時三點到達.

初時預約時由個普通話人接聽,
求其講個時間問我得唔得,
又無email覆核成成, 仲以為係D"細哎"公司仔...
所以一路都諗唔明, 點解個地址係利園...全層?!
只怪自己見識淺薄, 原來間野係好大好出名架!

果日係平日, D家長都要返工,
其他小朋友都係由姐姐帶來.
可能個接待員見我唔係賓賓印印,
特別開間房俾我地等...
坐响咁大嘅confenence room, 兔寶寶都好好奇呀!
枱面有碟糖果招待, 我問呀B食唔食,
佢竟然搖頭喎!

兔寶寶: 開會吖嘛! 食咩糖呀!


好快就入去上堂LU!
個老師係一位外籍青年, D英文都幾好聽.
之前有一次响另一地方又係由一個鬼佬做導師, 果堂呀B掙扎到癲呀!
呢度可以唔洗家長陪同,
但我講明BB有D抗拒男人, 個導師都俾我入埋課室!
亦可能係因為係男導師,
呀B唔夠膽作反...好乖呀,
雖然有時係唔太專心(因為其他幼童都三嵗以上了, 太多對答BB接不上),
基本上都配合到人地叫做乜就做乜.
兔寶寶對住陌生人係怕醜D,
呢堂所有歌呀、生字呀其實佢都識架,
不過十問九唔應咋嘛!

嗱, 証據確鑿!
擺明上堂唔專心啦!
人地Mr. Jeremy講故事好動聽架!

好, 到小組活動.
呢個導師好細心, 知道兔寶寶年紀細,
先安排佢入錢箱, 活動手指.

其他幼童就玩泥膠.

跟住兔寶寶又試下分顏色波波,
接著玩鎚子工具箱玩具.

前所未有返過playgroup係咁梳乎,
咁唔洗做的, 因為呀B零扭計;
我先有機會望下海境, 又影吓相扮記者!

之後行返屋企, 見有變型金剛,
又影吓啦!
呢隻係乜呢? Sorry, 最憎機械人,
細個同呀哥就係因為呢D機械人而爭睇電視!
如果....無機械人就可以睇我嘅小忌廉啦~
呀B都應該唔太LIKE佢, 一影相就一捽再捽三捽鼻...

係呢張好少少!

呢隻係變型金剛喇掛?!

同cosplay姐姐影吓好過啦!

其實...係有cosplay哥哥架!
中間果個仲幾靚仔添!
不過兔寶寶只肯跟姐姐架咋!



影完相, 諗住上去馬莎買糖食,
俾我買到對五百減到三百蚊嘅婆仔鞋, 好開心呀!
兔寶寶都算勁喇, 行完商場再行返屋企;
雖然有中眼瞓嘅表情, 但响我再三堅持"唔抱"之下,
順利行返屋企, YEAH!!!