好耐都無開焗爐整過野食喇!
尋晚見有少少時間,
跟一本食譜整個鬆餅,
量好晒材料嘅時候發現全個食譜都無落蛋落糖.
OK, 可能呢個鬆餅係咸味掛, 我自己想食甜就加返D糖落去啦!
我本來打算整嘅係一個個有紙模包住嘅muffin,
見佢個食譜最後個step係"把麵糊放入模中",
再加埋佢成版都係鬆餅食譜, 插圖又係一個muffin,
我就更加誤會佢係一個好似muffin嘅物體.
到加麵粉嘅時候, 我就肯定個食譜係錯的,
因為加咗一半麵粉, 就已經係一個麵糰而唔係麵糊,
麵糰嘅濕度亦都無可能加埋剩餘嘅麵粉!
有時跟食譜真係要睇彩數,
跟著個唔太好嘅食譜真係嘥時間又嘥心機.
本書個作者都唔知有無跟住個食譜整一次.
咁既然有舊麵糰整咗响度,
都唔爭在焗埋佢!
整唔到muffin, 就整biscuit啦!
CUT出一個個biscuit...
一路焗都好香呀!
上網睇返, 我落嘅材料有D似整KFC N年前出嘅鬆餅咁,
食味都似, 不過呢個落嘅牛油就少好多,
油脂係來自cream cheese, 所以都帶有少少芝士味.
一路焗D香味一路出嚟,
焗起熱辣辣, 外脆內軟...
由於我加咗糖, 唔洗搽JAM都好好食.
今次可以話係錯有錯著呢!
沒有留言:
張貼留言