香蕉卷卷

12月17日  星期六  晴天

尋日見到FLORA整咗條吉士酥皮香蕉瑞士卷招呼客人,
睇到我口水都流埋.
尋晚又抄橋, 不過我呢個係偷工減料版,
無吉士, 無酥皮, 無白朱古力椰絲topping,
就咁成條香蕉塞入去卷.

用咗法式海棉蛋糕食譜(180度焗9-10分鐘)做底,
無油少糖, 出爐立刻撕去焗爐紙;
將蛋糕反轉,
用毛巾pre-roll,
待蛋糕涼透攤開,
 塗上甜忌廉和放上香蕉,
卷起雪至少兩個鐘頭才切開一件件.

用咗6隻蛋白5隻蛋黃做蛋糕底,
個卷好厚,
想落多少少甜忌廉都包唔晒...

呢個蛋糕食譜就算雪凍都唔會硬唔會旱,
好好食...
夾咗香蕉做餡唔可以放得耐,
益晒我地大條道理食晒佢!!`

兔寶寶食食吓奶奶口痕咬咗我一野,
被罰立刻無得吃奶、坐落地無得抱,
仲有就係眼光光睇住我食蛋糕。。。。
好可憐呀!!

兔寶寶: 俾我食, 俾舊蛋糕我食!!!!!!