未買焗爐前, 已經想做scone...
最好好似很久之前kfc果D....
後來網上發現T&P嘅簡單scone食譜,
係自發粉: 檸檬汽水: 忌廉 = 3: 1: 1 嘅分量....
今次小試牛刀, 用咗1杯自發粉, 三份一杯汽水, 同三份一杯忌廉.
攪勻時發現唔夠乾, 不能成糰, 於是慢慢再加D粉, 加吓加吓, 大約加多大半杯....
由於睇過其他人照足食譜, 出來成品都係比較淡口,
主要係食個麵粉嘅香味, 於是我加多三大匙糖;
屋企有黃同紫蕃薯乾, 又切粒粒放埋落去...
(呢隻蕃薯乾幾好食架, 唔硬又唔係好甜, 有時過吓口癮都好~)
老實講, 我一路攪D粉糰, 都好似不能成糰咁,
根本不能用模子去吸出型狀!
我係求其用手將之成型的....
可唔可以用"成型"呢個字呢? 我係用手撻落個焗盆度就算!
心中都打定輸數...
可能新爐嘅關係, 我個焗爐火力比較猛,
人家用220度焗12-15分鐘,
我焗10分鐘左右已經轉晒色.
有尋日失敗嘅經驗, 緊係嗱嗱臨熄火啦!
好似唔錯喎~
灘凍少少食, OK喎~ 唔似kfc果D,
但食味都OK,
強烈建議加多D提子乾呀, 牛油呀, 果仁呀之類嘅物體,
因為呢個scone真係比較淡口, 有蕃薯乾嘅部份會好味好多!
當然啦, 個食譜係預你搽jam或者cream食,
不過如果加咗D乾果, 即使就咁食都幾好味嫁!
呢個scone好適合一D烘焙新手, 好似我咁,
可以隨意加加減減D份量,
都唔會點失敗...
一路整呢個scone, 兔寶寶極扭計,
晏D仲要帶佢去打針,
今日都唔知仲有無時間再焗多一次野呢!
睇吓佢扭計嘅罪証~~~
沒有留言:
張貼留言