素食午餐@Loving Hut

5月3日  星期五 陰天

星期二係我生日呀,
大少請咗假, 本來是想去海洋公園玩返日的.
點知前一晚兔寶寶玩失眠,
成四五點先肯瞓,
到我攪掂晒所有野瞓得經已係早上六點.
下午兩點先起身,
我地嘅海洋公園之旅泡湯了....

未諗掂有乜節目,
先解決早餐+午餐...
生日呢一日, 大少會就我多D嘅,
於是我提議食素.
呢間之前都同舅父幫襯過.

快餐型式, 自己出去買飛拎野食.
兩個餐都係由我拍版.
一個係素三絲炒拉麵餐,
配素湯和炒雜菜一碗.
唔要素湯可以要花茶,
不過呢度有熱檸檬水俾你任飲,
咁我當然要湯了.
素湯不比有肉嘅湯差呀...
大少飲得慢, 俾我搶埋佢果碗...


呢度D炒野好得!

加五蚊要多隻素荷包蛋,
今次食更加覺得佢有蛋味, 比真嘅更好食.

另一個餐要咗梅菜扣肉飯.


葷食嘅扣肉就唔好攪我,
素食版先令人食得安心又放心.
梅菜汁好好送飯;
好彩呢度嘅紅麴飯又係有得任添架姐,
我地畢多一碗來吃.

兔寶寶先吃了一碗麵,
再吃了半碗飯,
算係咁啦!

食飯途中,
發現窗外正下著大雨;
而我地只係帶咗一把縮骨遮.
於是買多一件蛋糕食住等雨停.
之前一次試過無蛋無奶嘅紐約芝士蛋糕唔係太啱食,
今次試下基本嘅忌廉海棉蛋糕,
有香蕉同朱古力味選擇.
我要了朱古力味.


出奇地呢塊一樣係無奶無蛋嘅蛋糕好好食!
佢質地有D似brownie, 唔似一般海棉蛋糕鬆軟,
但我覺得佢幾特別呢!
忌廉好滑但唔膩, 很好.
兔寶寶和我爭食....

食完蛋糕雨還未停,
我地三人撐著一把小傘急步回家HEA一陣,
待黃昏時出去銅鑼灣打邊爐,
就這樣無無聊聊過了一個生日.