五。一自家煮晚餐

5月4日  星期六  陰天

五一勞動節撞啱大少放假,
紅日唔出街俾人劏喇,
同大少一齊去街市買餸玩煮飯仔好過!

媽咪煮兔寶寶一樣食得好滋味呀!

三餸一湯, 白飯任裝!
蒜蓉菜心.
多得大少把口識氹呀婆,
本來八蚊斤嘅菜心,
執十蚊有成斤半咁多,
留起少少第二餐炒雜菜.

買咗半斤蠔仔,
是是但但用一隻咸蛋加三隻雞蛋炒咗碟蛋.
木薯粉落得太多, 好黏好樣衰,
不過味道唔差架!

白灼正海蝦.

洋蔥茄子滾魚蛋湯.
魚蛋响街市入面一間只賣魚肉同魚蛋嘅檔仔買.
不過大少話香港仔魚蛋好食D.

煮咗紅米燕麥飯.

呢餐兔寶寶唔係爬好多飯,
夜少少我再用鮮奶煮返D冷飯俾佢,
佢食咗大半碗做宵夜.