焗香茅雞鎚仔

5月5日  星期日  陰天

已經五月啦,
都唔知攪乜, 日日都落雨咁滯,
天氣仲幾涼吓添!
都宜家我地仲著緊長衫長褲呀!

星期五晏晝煮個LUNCH,
等大少食飽之後去剪髮.
焗咗香茅雞鎚仔.


响廚櫃摷到包"你諗你"香茅醃醬,
就咁用佢醃D雞鎚仔過夜!
雖然焗嘅時候都聞到好香(定好假?!)嘅香茅味,
食落就知係唔夠香味嘅.
下次要食都係唔懶得,
買兩支香茅拍扁佢來醃先得!

炒多碟雜菜...

焗雞鎚時順道焗埋兩隻蕃薯, 又一餐!

等食嘅兔寶寶, 竟然臨開餐瞓著咗!

我地食飽收枱佢先識醒,
幸好我留咗隻雞鎚仔俾佢咬吓!
唔洗擔心喎, 我地開餐前,
佢已經食咗麵架喇!