烤焗蝦蝦 & 鹽焗烏頭

10月2日  星期日  陰天

今日成朝都攰"奶奶",
好想一路瞓落去唔起身呀...
好彩天陰陰,
兔寶寶以為未天光掛?!
七點, 九點, 十一點都起過身餵奶,
每次餵完擺返BB落床佢都可以瞓得返!
結果我瞓到成點半鐘先醒!!

一瞓醒走落街市睇下有乜野可以整...
呀媽今日嚟探兔寶寶呢!!

上次整牛肉串燒,
其實想整埋蝦,
不過果日無平蝦賣,
我又唔捨得成舊水一斤買鮮海蝦返來整...
今日行開入室內街市,
見到"哈佬"撈起D啱啱瞓覺嘅蝦一份份咁賣,
平好多!!
(我呢個街市無乜一份份平海鮮賣嫁~)
20蚊一份用來就串燒無咁side嘛~~

220度焗15分鐘...

其實今日落街市, 最主要目的,
係買鳥頭魚呀~~

今次又係抄blog友雀后嘅好煮意喇~
一見到佢煮呢味餸,
我已經講到明要抄架喇!!
緊係啦,
出面食一條鹽焗烏頭起碼要七, 八十蚊啦!
自己整原來一D都唔難!!
為免D鹽粒入咗去個魚肚度,
所以我加咗張焗爐紙封一封個肚,
同埋我無檸檬, 所以塞咗D洋蔥落個肚度!!
詳細食譜, 可以响雀后度睇到, 仲有埋圖添!!
<<鹽焗烏頭魚>>......by 雀后

我無份食呀, 因為唔洗5分鐘,
條魚已經變成咁...
大少叫我食埋剩餘果D佢喎~~
大佬, 邊有剩餘呀??

呀媽你見到大少對我係幾好啦!!!!

兔寶寶: 無陰公囉~~