八号風球下的午餐

9月29日  星期四  八号風球

今朝一瞓就瞓到十一點幾,
十下十下嘅我仲未知道掛咗八号風球,
巡blog時先知咋!!
好在兔寶寶仲未返幼稚園姐,
如果唔係我一定會帶咗佢返學!!

兔寶寶: 唔洗返學架媽咪, 我上網自修就得喇!!!


我唔係咁嘆成十一點幾先起身!
尋晚兔寶寶成晚都瞓唔著咁,
由三點幾就不停嗌人同佢玩...
平時佢瞓唔著都好, 都好似知道夜晚唔應該嘈,
响自己張床玩就算;
有時佢都係嘈的話, 抱佢入房同我地一齊,
我就會扮瞓覺,
佢用隻手攪下我唔郁佢就無癮,
望下望下天花板就瞓著, 咁我先至抱佢出BB床..

尋晚連呢個方法都唔work,
佢又唔係唔舒服, 個樣不知幾精神,
我開埋一個音樂走馬燈"暗"佢瞓,
佢平時見到D星星响個天花板轉下轉下,
唔洗一陣就瞓著...
但佢今次望兩野之後就無興趣喇!!
成晚我就係咁騰出騰入無覺好瞓!!
醒起上次上嬰兒按摩班果姑娘講,
BB瞓覺習慣好多時都會突然間打倒褪嘅,
要有耐性再訓練佢...
唔知兔寶寶係咪咁呢??

見佢晏晝瞓成咁,
真係想整醒佢, 怕佢日間瞓太多,
夜晚瞓唔倒...
但佢瞓得咁甜, 我落唔到手呀!!

係兔寶寶自己咁樣放個枕頭,
我幫佢墊住個頭,
佢"炆"起, 擺成咁, 舒服D??

*************************************************************************
知道八号風球之後,
去咗超市買餸, 好在D蔬菜未俾人買晒...

打風要應下景, 開下罐頭...
咁就開咗罐忌廉湯, 扮白汁...

芝士白汁西蘭花

星期一晚去咗打邊爐,
食唔晒嘅食物打包.
仲有D水餃雲吞响冰格,
今日煮埋佢...
加多個粉絲, 夠我地食了...

呢碗大少嘅....

兔寶寶: 邊位呀你?!! 唔好痴咁埋好喎!