食蝦餃 * 牛肉串燒

9月26日  星期一  陰天

今日大少放假呀....晏晝去飲茶.

兔寶寶: 有咩食呀?!

咦~ 蝦餃呀?! 我啱喎! 俾我食吓啦~~

咩味呢吓?!

唔~ 都唔好食嘅!!

Daddy 你食埋我果份啦, 我都係望返鏡頭算喇!!

又或者同媽咪影相...

兩條友食兩籠蝦餃, 真係以為兔寶寶有份食咩?!

**************************************************************************************************************

返到屋企無耐,
我又忽發奇想,
突然想整串燒食!
於是落街買牛肉, 竹簽同沙爹醬.

牛肉18蚊一包, 用簡單豉油, 糖, 生粉醃一陣, 串好.
先用120度焗10分鐘,
取出逐串反轉再焗多5分鐘左右,
牛肉好快熟呀!

唔想買"你緊記"一瓶瓶果D沙爹醬,
走去D東南亞鋪搵有無D一包包嘅,
搵唔到, 不如用加多加多醬啦...
買咗一舊中辣一舊唔辣,
開水扮沙爹, 都好好味.
兩溝嘅辣度我都要一路食一路飲水,
用晒全辣我就可能食唔到喇!
不過完全唔辣又無咁好食喎!
宜家對我來講辣度啱啱好.
一舊加多加多醬都係兩蚊雞咋!!


攪掂!
用煎嘅方法會快D同香D,
不過用焗爐唔洗落油, 又無咁大油煙.

唔洗一陣食晒LU!!