八号風球的一天

8月16日  星期五  晴天

星期三八号風球懸掛, 大家係咪好開心有多至少半日假期呢?
我就唔多開心啦, 因為果日大少係咪都放假!
兔寶寶本來仲要返playgroup添~
一個風球打到嚟, 假期無咗, 仲要留响屋企煮多餐飯...

午餐, 兔寶寶一早就吃過, 只有我同大少食.
簡簡單單煮出前一丁, 一包麵孖分.
前一晚大少話因為就快八号風球, 所以要出去同朋友打定邊爐先喎!
除咗果碟椰菜, 其他魚蛋、墨魚丸和雲吞都係大少打邊爐後的剩餘物資.

食完午飯, 兔寶寶睡午覺...
我同大少就各自做自己野啦....
奶奶曾打來叫我地上佢屋企食飯,
不過怕落咗八号波都仲係橫風橫雨, 遲下好天先上去食好過.
午餐食得唔太飽, 下午五點我地就叫pizza了...
想叫phd, 上網睇過佢D pizza餐無跟炸雞的,
睇來睇去都係pizza box嘅餐啱食D!

外賣自取pizza+一份小食有六折架!
但計來計去, 都係呢個星期一至五套餐最抵!

未揭蓋果盒係燒墨魚丸, 同上次叫嘅野食係一模一樣的.

兔寶寶一坐好就指著要雞雞了...
俾隻大一點雞鎚佢, 成隻食晒架!

一手篤住墨魚丸, 一手拎住pizza, 好忙!
不過兩樣野佢都係食少少, 呀B唔係好吼pizza的...
都好, 少緊個人同我爭食..

食完野六點鐘都未到,
等到八點幾, 我終於按捺不住要落下街;
迫大少同我一齊去樓下惠康買可樂雪糕等零食,
洗咗二百幾蚊買埋D無謂野, 先平衡到我打風無假放嘅鬱悶心情~