我地住緊果棟大廈換咸水喉, 今日輪到我地果座,
一朝早又洗外牆又鑽野嘈喧巴閉,
大少無覺好瞓,
帶埋我地兩母女走難!!
兔寶寶: 我今日嘅打扮係咪好似男仔呀???
諗住去旺角行吓...
尋日去咗二德惠買咗戚風模條煙囪,
打算配埋落屋企個八吋模度用,
點知返屋企拼埋唔啱size,
順路就兜一兜過去換埋佢.
於是先去二記補錢換個八吋嘅戚風模!
跟住再慢慢行去朗豪坊附近嘅花園餐廳食野!
一份午餐都係38蚊, 仲唔洗加一!
兔寶寶全程响BB車瞓覺, 直到埋單等俾錢先醒!!
跟住去咗DSC買暖爐, 遲D天氣凍俾兔寶寶沖涼用...
再慢慢行返屋企.
兔寶寶俾大少抱住仲望住我突登整蠱做怪扮鬼臉添,
引到D途人都响度笑!
返屋企幫BB沖完涼, 大少就頂唔順瞓咗喇!!
****************************************************************
尋日焗咗一條原味瑞士卷...
人地整午餐盒, 我呢份係宵夜盒...
同場加影, 兔寶寶發芧記...
沒有留言:
張貼留言