給了垃圾桶吃的千層蛋糕

12月4日  星期二  陰天

呀哥生日的前一天, 跟FLORA的食譜,
做了一個千層pancake蛋糕.





PANCAKE材料,,【共14塊】

低筋麵粉100g,雞疍4隻打散,鹽2g,

鮮奶200g,忌廉100g,溶無鹽牛油30g,

將以上材料拌勻過篩,放入雪柜3小時以上先用,

【先用少許煎黎試下太杰加少許鮮奶便可】

用8寸平底鑊慢火煎两面至熟,

用叉篤住舊牛油抹鑊一下煎出黎有少許焦色靚啲,

 餡料,,

士多啤梨3盒,留5個做装飾其余切片,

500g忌廉加100g糖粉打至倒轉都唔掉落,

抹上忌廉放上士多啤梨片一層層咁放,

用8寸甩底餅模放上保鮮紙备用,

PANCAKE放凉先好用,

放5片在模邊底層再放一片先好放忌廉,

我放左8層,將模邊復盖用一片做装飾,

放入雪柜底層一晚先享用... 

 大家可別誤會呀,
FLORA的食譜很好, 沒有任何不妥...
照她的做法, 我還煎出了漂亮的pancake...



她的食譜很好, pancake皮很容易翻,
即使像我這樣的新手也沒有問題.
有時粉漿落少了, 有一個個窿窿,
再加添些少漿液落去,
一塊完整的pancake也可形成.

話咁快, 一疊pancake皮已經煎好了!

就是偷懶, 用了甜忌廉,
而且發打得不夠...
塗的時候已經覺得有點水水的...
想著雪一晚, 應該會好點吧?

一脫模, 山泥傾瀉呀!

忌廉就如山洪暴發, 瀉得一枱都是.
由於我這兩天肚子有點不舒服,
真的不敢博,
慳儉的我也只好乖乖把整個蛋糕放進垃圾桶了.

雖然今次失敗了, 但我還要說句,
FLORA的食譜好得!
即使不做pancake蛋糕,
那粉漿用來做芒果pancake也一定很不俗呢!
只要在打發忌廉時不要像我般求求其其就可了..

***********
兔寶寶有好幾天沒有"便便"了,
於是乎我就給她吃了很多通便的排毒食物...
BB仔食量不大, 她吃剩的全吃進了我肚子裡...
結果..兔寶寶成功"便便"了!
但這兩天我可慘了, 瀉到呀媽都唔認得,
連街都唔敢落..
再咁痾落去, 我快成為"忽必烈"了!