兩餐外吃

11月11日 星期日  晴天

搬咗之後話要煮多D晏晝飯,
結果....
成日都沖沖忙忙, Lunch又係要出去食!!!


食咗幾日茶餐廳, 呢一日嚟吉野家,
大少食例牌牛肉飯, 我就試新野:

個名好似係"北海道蟹柳濃湯烏東",
都唔係好肯定有無"北海道"呢三個字喇!
人地問"Coffee or tea?",
嚟到吉野家, 只會問"Beef or chicken?"...
濃湯有D似韓國好興嘅即沖忌廉湯,
個人唔抗拒呢D由粉末沖出來嘅湯, 所以覺得呢個烏東係OK嘅..
**************************************

呢一區可能唔太屬於住宅區,
星期六日飲茶唔會話比平日貴好多,
於是尋日我地就飲茶喇!

不聽老人言呢.....
好多人都講話呢間野唔好食架喇...
我又C唔信邪~
無計, C奶心態貪便宜中咗伏..
我覺得响七仔買果D叮叮點心仲好食過佢呀!

為存厚道, 唔開名喇,
睇到background知道係邊間就心照啦!

兔寶寶: 真係唔係幾好食...

不過見係媽咪餵....

就扒兩啖啦!

聽日起大少又放大假呀!
聽晚我地又會北上鬆一鬆,
同埋完成我未完成嘅任務呢!