再戰黃金海岸自助餐

6月18日  星期二  晴天

續: 沙灘樂
會合埋公公, 我地就行去酒店果面,
埋位等食buffet喇.
仲有五分鐘時間, 出去打個圈睇下有乜食先~
好多甜品呀, 呢度仲未影晒架!


沙律...最後, 我係無食果呢D野...

凍嘅海鮮..

超吸引嘅龍蝦鉗!
後尾發現熱盤區有盤薑蔥炒嘅, 更加吸引!

都未行到去熱盤區同出面露天燒烤區,
已經夠鐘攞野食, 開動!
以下圖片有D係我攞嘅, 有D係大少攞嘅,
當然仲有好多碟係掛住食無影相!

上圖果小碟係出面燒烤區攞嘅即煎大蝦, 加咗黑魚子醬!
左下圖是蘿蔔絲帶子餅, 幾好食架!
芝士怪拎一碟仔芝士盤放枱面慢慢食,
點知食咗一大半就俾人收咗!

今次buffet是以龍蝦為主題,
每人都送一隻龍蝦.
不過凍嘅龍蝦我地都麻麻,
而且其他美食太吸引,
我同呀媽都係食咗半份就讓埋俾大少!

兔寶寶呢?!
呢樣唔食果樣唔食响度中眼瞓!
梗係啦日頭又游水又玩沙都無瞓晏覺...
呀公提議帶佢拎雪糕, 等佢精神吓喎~
等你講呢句好耐喇! 我都想咁做, 係怕俾人話縱壞D細嘅姐...

雪糕有哈根大師嘅雲呢拿同Dreyer's嘅開心果同芒果口味,
開心果雪糕好正呀, 無記錯的話我食咗四杯!


食D雪糕提下神,
呀B反而有胃口食其他野!
下圖佢食緊嘅係婆婆拎嘅露荀!

嗱, 見我拎D西餅返來,
仲老實不客氣伸長隻手拎!

呢度D甜品實在很吸引了!
細細杯細細件, 可以食晒所有款式.

兔寶寶拎完一樣又一樣!

不過佢好多都係LAM吓就放返低,
唔好以為佢食咗好多呀!

後來佢指住件羊扒要食,
仲成件咬晒!

有圖為証架!

食完一輪甜品,
抖一陣我地又再攻咸點.
我唔食羊唔知啦, 不過D男人就話好好食,
而燒牛仔骨我就試過, 係幾好味嘅~

兔寶寶食過羊扒, 可能怕滯掛?!
非常醒目地咬檸檬!
我想阻止她, 但舅父話由得佢食,
因為有維他命C喎!

呢餐buffet, 美其名係預祝父親節嘅,
不過我地原來無同老豆影過相!
係得呢張, 叫做人齊(舅父在拍照中)!

食完檸檬, 兔寶寶都差不多飽了,
婆婆又帶佢出去糖果區拎過幾次糖回來.
之後佢就唔願返埋位, 就由得呀婆同舅父輪流帶佢出LOBBY玩.
但我都塞了一個蘋果給她, 而自己就繼續吃、吃、吃...

咬住個蘋果的兔寶寶不忘整蠱吓婆婆...


呀公因為食得少, 食到一半已經拎部電話出來打機,
後尾唔等我地慢慢食, 自己先坐巴士回家了.
我地食完, 再响LOBBY影陣相.

同婆婆合照!

本來想蹲底就兔寶寶位置影相,
但一個失平衡, 就成了這幾張蝦碌合照...

兔寶寶話水池果個小噴泉係"APPLE!".
跟住又想扯甩自己件上衣, 好似想跳落去咁!
我地又要一番唇舌解釋呢度係唔游得水嘅..


又攪乜野呀?!
啊~~~
人仔細細想坐落張櫈度, 係要一番功夫架喇!

玩咗成日,
坐回程巴士時, 兔寶寶即刻變咗睡寶寶,
兩父女由上車瞓到落車!