沙灘樂

6月17日  星期一  晴天

上星期四(亦即端午節翌日),
約了老豆吃自助餐, 當是提早慶祝父親節.
我們早了幾個鐘頭出發, 打算到沙灘玩一會.
乘車時大少問我有無帶泳褲?!
無呀...天氣咁涼, 點落水呀?!
唔落雨都算偷笑啦(事實真的很好彩, 星期五下整天雨呢!)
不過忿忿不平的大少著我到沙灘士多買條波褲讓他下水,
還在車上和兔寶寶拉起筋來~~

傻仔, 我都無帶泳衣俾兔寶寶,
拉嚟做乜呢?!

舅父專程請了半天假陪我們玩.
待大少在更衣室換過泳褲,
我早已為兔寶寶換上了一對小涼鞋了.
著住鞋, 兔寶寶唔係幾怕沙,
係左望右望, 唔知嚟沙灘做乜咁姐~


大少二話不說就拖著兔寶寶要她浸浸咸水...
咦...呀B唔驚啵~
表現比上次去離島時鎮靜得多!

兔寶寶: 爸爸, 都係信你唔過,
              行近D救生員叔叔隻艇先~

浸過咸水, 帶返兔寶寶去沙灘玩沙.
沙粒跑進鞋子裡不舒服, 便替BB脫去小涼鞋.
點知兔寶寶唔太願意, 仲keep住呢個姿勢很久...

我地全部都好衰架,
睇下佢靠個pet pet同一隻手可以支撐得幾耐?!
兔寶寶被D沙灘玩具吸引,
無奈屈服, 但保持著有限身軀上的移動,
盡量避免在沙上行走, 攪笑非常.

剩係玩個花灑玩具都玩咗好鬼耐...

呢個時候海水高度忽然上升了少許...
原來大少走到海裡"浸泳"了!

浸咗唔夠五分鐘又上水,
抖兩抖又再落過水...來來回回了三個round...
我終於知道點解大少平時話去跑步可以跑超過一小時了, 原來...
係呀, 我連毛巾都無帶,
在士多買了條小毛巾...當然不夠用啦!
幸好婆婆尚未出門口, 請佢順便帶多兩條大毛巾出來!

响大少唔知落過幾回水時,
舅父終於用"拾貝殼"的方法引呀B到海邊.
可能爸爸在海裡, 兔寶寶無咁驚喎,
仲愈行愈出, 整濕咗條短褲添!
見狀我立刻把她的短褲脫掉,
剩底條尿片, 話之佢點濕吖!


呢一刻, 唔係呀B驚,
輪到我驚喇!
果日雖然無落雨,
但都幾涼架! 我不斷叫住唔好行咁出呀!


舅父見就來濕到件衫, 想話抱起BB啦!

但大少一手接過兔寶寶, 就有咁遠行咁遠喇~

唉, 就係咁,
兔寶寶著住一件T-shirt, 纜著尿片,
就嚐試了她人生第一次浸咸水了.


我覺得呢幅相影得大少幾靚仔呀!
仲好似好大隻添!
因為兔寶寶遮晒佢個肚腩!

我無帶衫換唔想冒險濕身,
鏡頭zoom唔到咁遠;
舅父就犠牲小我完成大我, 再行出D幫我影相!
佢都係無衫換架!

睇相就知兔寶寶真係好enjoy浸水!

去到心口喇!
有一次D浪打上來, 佢仲唔小心飲咗口咸水添!
不過佢飲完都仲係笑騎騎, 飲得很興奮.

離遠睇住兩父女玩水的我咬牙切齒,
憤恨自己無帶泳衣!
哈哈, 不過就算帶咗我都應該唔會濕到上身,
因為D水真係幾凍吓!

兔寶寶驚唔驚水呢?!
http://www.youtube.com/watch?feature=player_detailpage&v=hZta3sDLHBA

要謝謝舅父再次充當攝影師呢!
上山下海, 在所不計.

响水中都玩咗都有大半個鐘,
大少多次想拖呀兔寶寶走, 佢都唔願意,
在水中C螺!

到近岸邊仍然要跌响地下,
墊返"咋"沙, 明顯唔想走!

咁睇好似真係游緊水咁!


好喇, 真係要上水喇!
後面位大少已經等得唔耐煩了!
不過佢濕咗身咁吹風法, 又真係幾凍嘅!

上咗水當然係第一時間除咗D濕衫用條大毛巾包住兔寶寶啦!
不過呀B意猶未盡, 猛咁fing甩條大毛巾,
剝光豬咁哭著要再游泳.
泳灘上所有人都望著我們....
見我地不為所動, 佢就唔肯著衫,
要光豬玩沙!

大少於是抱了她去沖涼.
兔寶寶喊到呢...
我在沙灘都聽到佢响更衣室喊!
洗乾淨後出來依然唔肯著衫...
最後要我捉著佢兩手夾著佢兩條腿,
夾硬由婆婆幫佢穿上衣服!
再求其攬住條片, 叫做唔洗走光!

小孩子健忘,
玩兩玩又忘記了剛才裸體扭計, 對落水無咗件事.
不過我地一出去畢水, 佢就以為我地出去游水,
跟住想扯走件衫, 想跟埋出去...
要我地解釋"唔係去游水呀!"先至冷靜落嚟.
不過就全程盯著, 監視我地有無講大話,
背住佢去游水!
 


浸過咸水係唔同嘅,
呢一刻嘅兔寶寶在沙上活動自如,
非常享受赤腳行走呢!

又用花灑幫婆婆沖乾淨D沙.

舅父你想攪乜?!

嗱, 先撩者賤,
唔怪得我個女攪你架!

以為佢想幫舅父搽油按摩咁好呀?

唔好開心住, 因住一褲都係仲好啦~

http://www.youtube.com/watch?feature=player_detailpage&v=hZta3sDLHBA

咁好風景, 唔影返張全家幅就嘥晒!

哎呀, 要鍚鍚我呀!
大少無你份, 擰歪面就啱喇!

到差不多六點, 我地就行去洗腳,
在泳灘上的小遊樂場等埋公公嚟,
一齊去食晚飯了.
呀婆童心未泯, 同兔寶寶一起玩著等.

仲未幫呀B著返條褲添!
快D响呢樹著埋佢啦!