父親節晚餐---嫲嫲自家煮

6月19日  星期三  晴天

父親節當日大少帶咗兔寶寶同埋哥哥姐姐去街街,
我就留响屋企宅咗一個下午.
晚上都唔洗預備晚餐, 因為上奶奶屋企食呢!

當日有白灼蝦...

煎魚..

椰菜花苦瓜煮肉片.
我夾呢碟時奶奶叫我唔好食, 因為隔夜喎!
隔夜就隔夜啦, 雖然我唔食苦瓜,
但都會盡力清下D隔夜餸嘅.

西芹炒肉絲.

雪菜肉絲.

炒通菜.

呢碟係最上圖無嘅魷魚炆一字骨.

螺頭煲豬骨湯.

兔寶寶用隻小杯慢慢自己飲湯.

不過佢呢餐飯明响樹玩野,
有匙有叉唔用專登用隻手去拎D餸來食.
食兩食又扭兩扭要企响度食....
平時响屋企食一碗飯, 去呀嫲度就食兩啖.
五行欠丙呀!
飯後食蘋果.

見兩位父親(大少和老爺)响度食生蕃茄又要食埋一份...
吓?! 平時你唔多食蕃茄架喎?!

食食吓飯見奶奶拎出一大盤麵放涼灘凍,
多口問句煮來做乜?
其實我係想睇下佢食唔食得,
如果食得嘅就夾碗俾兔寶寶.
佢話係煮熟咗先, 第二朝一滾起就可以做早餐.
這時候老爺很熱情地用上海話教煮麵的步驟;
雖然我聽唔明他說什麼, 但見他講得咁高興,
我就唯唯諾諾的回應著.
之後奶奶問我要唔要拎D麵返屋企煮早餐?!
咁我就隨口應句"好呀!",
奶奶就夾起一大箸, 連同一碗雪菜肉絲給我打包,
還教我做雪菜肉絲麵.

出門口時仲俾大少笑我連D麵都要拎走...
返到屋企, 知兔寶寶食咁少唔夠飽,
就蒸了一塊早已預備好的魚柳給她.
我再煮多碟菜食(晚餐唔夠纖維呀!).
問吓兔寶寶食唔食D菜菜,
佢唔食, 指指雪櫃說要食麵麵...
想起奶奶給的一包麵, 很快手就拿起一箸放進滾水裡煮.
這時才發現這些不是上海麵, 是米線來的,(兔寶寶未食過米線, 唔知食唔食添架!)
而且份量很多.
心裡很怕煮好後兔寶寶玩野話唔食,
點知佢大大碗都食得晒呀!
飯後叫佢幫我搣隻香蕉,
又俾佢食咗2/3....

原來大食, 都有遺傳架!