白色情人節(一)

2011年3月15日上午9:22

尋日係白色情人節, 撞正大少放假, 本來老屈咗大少叫佢送朱古力俾我, 點知出咗街之後我竟然無咗件事....

星期日大少就提議放假去唱K, 順便食buffet...

下晝點幾兩點起身, 先去尖沙咀間Big John度食tea.....我食淨牛肉餃子 + 腐竹豬肚湯....

大少食炸豬扒+ 凍咖啡........

 呢間Big John D 位係面壁咁坐, 咁啱坐响大少隔嚟果個女人都係大肚嫁! 同大少細細聲講, 佢衰衰口咁話:"咁威呀我~"

之後去咗行活方商場....睇下有無大少鐘意嘅V領衫...
途中俾呢個櫥窗吸引咗:

入咗去睇睇...
行到正門, 有條人龍喎....唔通要排隊先入得去咁把閉?!

原來間野係專賣日本野...D人係排隊買奶粉嫁...一人每日限買兩罐...
有D人排完又排, 俾D職員發現咗, 唔俾佢地買咁多...短短幾分鐘, 我竟然聽到幾個帶大陸口音嘅客人因為不能多買奶粉而"問候"D職員...

洗唔洗呀......人地都係保障D香港BB有奶粉食姐.......

除咗奶粉, 仲有D BB野賣, 不過我打定主意, 一D唔知有無用嘅野, 盡量唔買住...
淨係買咗:

同埋一罐日版coke zero....

又去咗K11行一陣...其實係行行吓肚痛, 結果走上去K11頂層d梳化度坐咗半粒鐘...大少仲幫我按摩對腳呀....

之前大少買咗D湯卷俾我阿媽, 點知我阿媽唔啱飲俾返我 (佢話飲到有味精喎~), 我見D卷就過期, 屋企附近間門市又執咗, 出開尖沙咀, 順便攞埋...

一共五款...

見仲有小小時間先夠鐘唱K, 去咗附近嘅科學館打個圈...

又擺大少上枱...