考考大家的聯想力和創意...
看見以下一幅圖, 你想我在做什麼食物??
3秒時間...
"滴達"
"滴達"
"滴達"
恭喜你, 你答對了!!
無錯!! 它是一條端士卷!!
兔寶寶呢排都比較遲睡,
差不多成十二點先瞓,
所以都少了晚上造餅.
今日佢未夠十一點就瞓到隻豬咁,
我當然把握時機,
開檀作法!!
呢隻端士卷,
自從我買咗焗爐之後,
連埋今次, total整過5次,
今次係第一次post出嚟,
因為之前果四次,
成品比今次還要醜陋!
每一次做出如此"驚人"嘅成品,
我根本無勇氣攞相機影相,
更枉論放上blog了...
點解呢?
我上網睇過好多整卷蛋嘅心得,
亦見到有不少"貼士",
好似用枝木棍幫助捲起,
又或者响蛋糕面先界幾刀等...
網上亦提出不同方法,
有的說要待涼後才撕走面頭果張牛油紙;
有的就話要襯個蛋糕仲暖時要pre-roll一次;
有D又話用毛巾代替牛油紙去捲會好DD;
有D又會响捲前在蛋糕面上篩上糖霜...
即使連蛋糕本身,
我都係試唔同食譜,
最令我好down嘅係,
即使我試好多人都話"零失敗"嘅食譜,
出來嘅作品都係超級失敗!!
都唔關人地個食譜問題,
係我自己technic唔夠好.
今次為免個蛋糕體over baked,
臨尾果幾分鐘都望實個焗爐!
可惜就係搵牙簽篤一篤個蛋糕試吓熟未而焗耐咗少少掛??
(俾我搵D野'賴吓啦!!)
個蛋糕硬咗少少? 但篤落去依然軟熟喎!
曉彈返上來, 咁我個蛋糕片本身係咪有出錯呢??
今次係第一次打忌廉去捲,
平時都係搽jam就算.
因為見片蛋糕摸起上來幾得吓,
雪櫃又有忌廉開咗响度...
點知搽cream捲仲"呢HEA"!!
中學家政堂都有整過卷蛋,
印象中, 果次雖然唔係話攞得出去賣咁靚,
但至少都係一條完整嘅卷蛋....
難道我嘅呀茂整餅技術竟然仲衰過1X年前?!
每一次整唔成端士卷,
我都忿忿不平以致瞓唔著,
再由頭响You-tube睇吓人地點卷!!
天呀, 下次我整卷蛋嘅時候,
地獄廚神可唔可以遠離我少少呀............
兔寶寶: 我點都唔食地獄廚神煲嘅粥仔架喇!!
沒有留言:
張貼留言