兔寶寶呢幾個黃昏開始, 就非常痴身.
唔肯瞓床仔, 抱佢去一D俾佢望到我嘅地方, 都會嘈...
佢係嘈, 唔係喊.
佢嘈得好得意, 先係"呀, 呀, 呀" 咁嗌, 你唔理佢, 佢就會喊兩聲. 好彩佢唔一定要抱住, 你可以放佢响大脾, 某程度上, 你一對手仲可以上吓網咁.
當要去廁所/飲水/ 去廚房攪呢攪路時, 就放低兔寶寶, 然後用九秒九速度去完成我嘅工作....
大少會覺得, BB喊, 要由得佢喊; 成日抱, 之後個BB會係咁扭你抱.....
但係, 兔寶寶咁細個, 哭鬧只不過係表達佢嘅需要而唔係突登扭抱, 可能佢怕黑呢?! 真係怕會寵到佢哭成習慣, 最好係响佢喊之前抱佢; 最重要係, 我生佢出嚟, 如果連抱吓佢都怕煩, 咁生出嚟為咩呢? 抱到佢識行識走, 到時想抱都無得抱.....
為 咗安撫兔寶寶, 我一早就改變咗自己夜鬼嘅生活. 晚上十點零鐘, 就抱兔寶寶入房瞓, 通常佢都會好快瞓著.....大少返夜就有呢個好處, 唔洗3個人迫埋一張床. 到大少返嚟, 兔寶寶已經熟睡, 就可以抱返去BB床了. 因為由黃昏開始都無睡覺, 都唔洗刻意戒夜奶, 可以一覺瞓到六, 七點.
不過我都要响四點雲鐘起一起身泵奶, 去維持奶量...因為唔餵夜奶奶量真係會差好多!!所以我諗我頭三個月即使兔寶寶戒咗夜奶都好, 我都會keep住泵夜奶.
兔寶寶而家成日會嗌嘅BB話:
" 唔...唔...唔", 即使唔係開大都會咁嗌....
"呀...呀...呀...."
"係"...........當然佢講個係字係無意思嫁啦!
希望兔寶寶快D會對住我地笑多D啦! 而家佢仲未會因為外界因素而笑嫁!
兔寶寶, 媽咪尋晚爭嬴咗你daddy可以揹你呀!!
****************************************************************
沒有留言:
張貼留言