兔寶寶第一次腦素描...............希望以後都唔需要啦!!
兔寶寶出世時除咗太細粒, 頭圍易偏細, 所以一早就安排了一次腦素描.
上次睇兒科時, 個醫生都話, 以佢而家嘅發育看來, 應該沒有問題....
不過既然已經排咗期, 咁未照囉, 話晒出咗世照, 會照得清楚D.
約 咗早上十點鐘, 大少本來話去嫁, 八點幾佢去廁所時無厘神氣咁話佢頭痛, 咁我自己去啦! 之前我都有一次帶兔寶寶去抽血, 不過果次無用揹帶, 就咁用手抱, 即使的士來的士回都好"呢HEA". 今次用咗揹帶, 因為唔知要攪幾耐, 要帶埋尿片, 濕紙巾同埋事啤奶, 但係都可以行動自如, 我真係愈來愈鍾意條揹帶, 可能兔寶寶過咗三個月我自己一個都唔會用BB車!
响醫院都要等個幾兩個鐘...有個大陸BB係咁扭計响度喊, 幾個大人都攪唔掂, 仲嘈醒咗正在瞓覺嘅兔寶寶....兔寶寶都有扭計嫁, 不過好快俾支奶收買咗! 仲有個同樣等照超聲波嘅女人讚佢乖tim~~
等得唔耐煩嘅兔寶寶....
一如以往, QE嘅醫生同姑娘都好友善呀.....
檢查結果當然係話腦部結構一切正常啦!!
去完QE, 我仲行返屋企, 中途去埋惠康買餸, 揹住兔寶寶, 不得不俾個叻字自己.......
哈哈~
沒有留言:
張貼留言