呢一排都有俾糊仔兔寶寶食,
一路進展都唔錯,
點知由星期六第二餐糊仔開始佢又唔係好肯食,
應該話佢肯俾你擺入口,
但不過係唔肯吞,
食完之後又跟手好開心咁"BU"返出來;
可能佢覺得咁樣好好玩掛??
其實佢應該係肚餓的,
我都怕佢唔肯食糊仔,
所以餵糊仔前突登餓佢兩個鐘...
不過佢一向都幾忍得肚餓,
同埋又幾硬頸;
唔肯吞就唔肯吞,
走埋嚟扯底我件衫想食奶奶...
我怕佢太鍾意飲奶而唔肯食糊仔呀!!
尋日連水都唔肯飲(用匙羹仔餵),
咁我就試下俾隻杯仔睇下佢有乜反應,
反正佢成日都望實我用飲管飲汽水...
兔寶寶: 好野, 終於有汽水飲喇! 我啜, 我啜~~
兔寶寶: 咦! 無味嘅?!
兔寶寶係唔係好醒呢?!
第一次用杯就識得啜....
起初我估佢淨係响度"LUM"個杯架咋!!
哈哈~~ 其實一開始佢都唔係啜,
係响度....
沒有留言:
張貼留言