第一次食牙仔餅 * 六個月健康院打針

10月18日  星期二  晴天

隨住兔寶寶踏入六個月,
有好多"第一次"跟隨發生;
第一次食糊仔, 第一次飲水,
第一次用杯子....
尋日, 兔寶寶第一次食牙仔餅呢!!

兔寶寶: 食餅前好似好威咁攞住塊餅餅影幅相先...

影完相, 急不及待擺入口...

"LUM"吓, 又望吓...
估唔到除咗舔之外, 兔寶寶仲識得咬呢...

眼見兔寶寶"妹"塊餅"妹"咗咁耐,
媽咪仲滿心歡喜以為兔寶寶咁叻叻第一次就識食餅,
開心完唔夠兩秒, 兔寶寶就一二三"LUR"晒口入面口嘅餅餅出來,
攪到鬼咁呢HEA~

唔緊要啦,
再接再厲~~

**********************************************************************************

尋晚去咗青葉食放題...
今次有D吞拿魚超級新鮮,
恕我食得好野少,
我真係未食過咁好食嘅吞拿魚...
食咗兩round, 都係入口即溶又無渣嘅.
可惜再落單, 切嘅部位唔同掛?!
就已經無咁好食了.
不過我覺得我地食咗幾塊,
已經抵晒了...

中途休息, 教兔寶寶學"請請"...

愈坐愈凍, 連我塊圍巾都用來包住兔寶寶...
呢個阿拉伯女郎係邊個嚟架?!


包住個頭係未似女仔多D呢??

**************************************************************************

今日要返健康院打針.
今次要打三支針呀...
本來兔寶寶瞓著咗,
第一針打落去, 即刻大喊;
想掙扎, 但係爸爸媽媽捉實晒;
喊到面仔都谷紅晒, 心痛死我.

今次仲check埋佢手腳發展,
兔寶寶當然係pass有突啦!
醫生又用電筒check埋佢對眼,
睇吓有無"鬥雞",
因為我同佢講BB有D相影出來有時對眼好似focus得唔正中,
不過醫生check過之後話因為BB鼻樑扁,
所以有假性"鬥雞",
大少少會自己好...

另外, 姑娘聽到我話BB而家食咩都"BU"出來,
而之前食得好地地,
就話睇佢個樣, 都係鍾意玩野嘅BB,
叫我煲稀D粥仔俾佢食...

今朝我都有煲粥仔, 但應該係唔夠稀,
仲有好多米花,
兔寶寶唔多鍾意食!
於是返到屋企再煲過...

忙咗半日, 一返屋企, 兔寶寶即刻大覺瞓呢!!