兔寶寶３３週４－－－產檢

兔寶寶３３週４－－－產檢

３月８日　星期二

十點九就去咗ＱＥ做產檢。。。。又係54.4KG....

係咪因為三八婦女節呢？！　今日好多人呀，　等到十一點半先叫我個名。。。。

見醫生前要檢小便。。。個阿姐話我Ｄ小便糖份＂澤界＂，　要多驗一次.....好彩無事....早上因為失眠瞓唔著, 又食糖水又食香蕉先留尿, 緊係有問題啦!!

今 日有見習醫生同護士一齊睇. 個大護士教個見習護士時, 順便話俾我知BB嘅頭, 肚, 手手腳腳同pat pat分別响我個肚嘅邊部份, 佢仲教我摸, 同埋話俾我知BB個頭剛好頂住我個膀胱, 所以兔寶寶個頭仔一轉, 我就會覺得好急, 差不多每15分鐘去一次廁所....

個大護士仲叫我今個星期要執定個走佬袋, 其實走佬袋嘅野都買齊, 係D新嘅BB衫未洗, 而我又未決定兔寶寶出院果日著咩衫好...不過既然連個姑娘都咁叫得我, 今日都要洗定D衫Lu!!

之後到個見習醫生同個老醫生摸我個肚, 佢地都話正常喎! 開D鈣片俾我就走得!! 我覺得D姑娘有耐性過D醫生!!

藥房都好多人, 宜我又好眼瞓, 於是交咗藥單之後就返咗屋企瞓一陣先, 下晝先再返去QE度攞藥........大少就响我瞓晝覺嘅時間去咗做gym喇!

D人話BB衫最好用手洗. 不過我覺得我對手洗得唔乾淨, 同埋扭得唔太乾,所以我都係用機洗....為求安心瞓之前我用漂白水吉機洗咗一次個洗衣機....一瞓醒就洗BB衫LU! D紗巾同手襪仔會再用手洗一次.....

到宜家我仲覺得D衫仔好得意呀!!!