兔寶寶32週了....

2月25日   星期五

兔寶寶32週了~~

即係有八個月大喇~~~

尋晚我失眠呀.....發夢兔寶寶宜家要出世, 但我咩都未準備好, 嚇醒咗之後瞓唔返喇...瞓咗兩粒幾鐘咋~~

由其我阿媽同咗我講, 兔寶寶舅父(即係我呀哥) 係32週出世.......... 我就無以前瞓得咁好喇~~

雖然人地話BB仔通常係早D出世, BB女就會遲D.....但係都無咩科學根據....為求心安理得, 要買多D野先得..........

好在永安做緊特價:

買多D內衣同包被, 等自己良心舒服D...

我見到雅芳婷有一set Hello Kitty 床上用品做緊特價, 包括床單, 被, 被單, 枕頭, 枕頭套, 欖枕, 欖枕套同床欄; 原價要件千二蚊, 特價八佰四十蚊, 我唔知係唔係好抵, 不過我好想買俾兔寶寶.

打俾大少, 佢叫我鍾意就買.......

但理智叫我hold住先囉, 仲有10日做特價.... 我响護協見到一套(唔係 Hello Kitty, 係 Winnie the Pooh; 唔知係咪咁多野同唔知牌子) 係五佰幾蚊..... 我想等過星期六果個地盤車司機會唔會賠錢先買呀~

同埋一模一樣嘅配件, 唔係Hello Kitty, 係什麼Peter Rabbit? 賣緊七佰四十蚊, 平一佰蚊....
俾多D時間我考慮啦....

我真係希望生完之後, 以前D衫可以著得返, 咁我就可以買多D衫俾兔寶寶了...........

附上一張兔寶寶於我肚子裡八個月的照片: