突然發燒 * 舅父生日

12月2日  星期五  寒冷

尋晚兔寶寶突然發燒呀!
一燒就燒到39度, 食過退燒藥好返D;
到今朝都仲係燒, 雖然佢精神同食量都不錯,
但都唔敢淨係食退燒藥,
去咗睇醫生.

兔寶寶: 魚唔過塘唔肥, B唔燒唔知病!

醫生話佢有D痰, 喉嚨有少少紅之外,
其他如耳仔, 淋巴等都無野,
應該只係有少少感冒,
開咗支藥俾佢, 要佢無論有無繼續燒都食兩日.

今日亦都係兔寶寶舅父生日,
昨晚本來打算整一個蛋糕,
不過兔寶寶唔舒服扭計,
所以淨係煲咗湯.
用咗安記嘅湯包: 天麻川芎白芷湯

兔寶寶: 舅父, 生日快樂!!

舅父: 兔寶寶乖!! 舅父餵你飲水水...
兔寶寶: 四隻手餵我飲水, 啖水特別甜呀!!

認真三人照一張.

兔寶寶: 媽咪你影完未呀?! 我想攪婆婆隻錶錶....

之後去咗屋企附近嘅峇里餐廳, 食印尼菜.
呢間好耐之前同大少嚟過一次,
不過大少唔鍾意, 覺得食物不冷不熱, 味道古靈精怪.
但我幾鍾意, 可能我口味偏甜吧!

叫咗粟米餅併牛肉餅:


牛肉餅, 溝埋薯蓉一齊炸:

粟米蝦餅:

我覺得佢炸得太油膩, 當係印尼特色, 一試無妨.

叫咗一個巴東牛肉餐, 除咗巴東牛肉, 跟餐仲有加多加多
沙律, 薯餅, 白飯, 餐湯, 餐飲同埋甜品.

跟餐嘅餐湯:


巴東牛肉, 其實係牛展來, 甜甜地, D汁好好送飯!

跟餐白飯加錢轉咗黃薑飯.

散叫嘅十五夜糉,
原來印尼糭係好似一糰糯米咁,
幾特別, 不過唔係話太好食.

散叫嘅羊肉串併雞肉串,
我唔食羊, 食咗兩串雞,
可能D醬汁啱我食, 我覺得幾好味.

幾好食嘅蜜糖雞翼.

兔寶寶一落街就瞓,
到差不多食完先瞓醒.
一瞓醒, 就望實媽咪食啫喱,
媽咪整蠱佢, 俾隻畢過啫喱嘅羹佢LAM...
睇佢LAM隻羹LAM得幾開心!!
婆婆仲笑佢, LAM到幾乎吞埋條脷落肚!

兔寶寶: 等我LAM真D, 舊啫喱去咗邊呢!!

*****************************************************************