兔寶寶變斑點兔

12月6日  星期二  陰天

兔寶寶:多謝大家嘅問候呀!

前晚發現兔寶寶肚皮同耳仔後面有一點點,
懷疑佢出玫瑰疹..
尋日朝頭早起身見佢耳後嘅紅點退晒,
仲諗住無晒事添!
除衫沖涼至發配心口同背脊先係重災區!
一點點紅點, 無忽好肉;
我見到都覺得週身痕!
真係點在兒身, 痕在我心!!
不過响網上睇到玫瑰疹係不疼不痕的,
咁先放心少少.

兔寶寶: 好彩我塊面仔無乜事, 呃得吓人姐!!

今朝返去QE睇返甲狀腺報告,
個醫生話一切正常,
以後都唔洗再覆診喇~
好野! 兔寶寶唔洗再俾人五花大綁抽血喇!!
個醫生睇埋兔寶寶D紅疹,
佢話雖然好似風癩,
但係退燒先出, 就應該係玫瑰疹...
佢問我呢幾日BB多唔多扭計,
如果扭計就即係痕, 咁就係風癩;
唔扭計代表唔痕, 就即係玫瑰疹.
(我終於明白點解細路仔扭計D呀媽會問係咪身痕喇!!)
無論係風癩定係玫瑰疹,
都無乜大礙, BB會自己好.
又俾定樽藥水我,
如果覺得BB痕到瞓唔倒就俾佢食.

兔寶寶: 我唔食藥呀!


尋晚爺爺嫲嫲嚟探兔寶寶,
佢都好唔合作, 不停扭計大喊呀!

兔寶寶: 媽咪, 我身痕呀!!