無油無膽固醇的天使蛋白蛋糕

8月19日  星期日  晴天

今日大少又帶咗兔寶寶出去打羽毛球,
我又有時間可以早少少寫blog了!
好多時我都係要等兔寶寶瞓咗先可以寫架!

呢排大少成日叫我焗蛋糕,
雖則自己焗可以落少D糖同油姐,
食得多蛋黃都唔係咁好.
一般嚟講女人都係比男人長命嘅,
而呀大少大我好幾年,
要同佢一齊白頭到老, 真係要好好照顧佢健康呀!

今次係跟小本廚房實錄嘅食譜整嘅天使蛋糕.
我做咗一半份量, 簡錄如下:

蛋白  4顆
檸檬汁  1小匙
細砂糖 50g (此份量為已減糖至緊緊食出甜味)
香草精  1/4小匙
低筋麵粉  35g
玉米粉   10g

1. 蛋白加入一小匙檸檬汁，攪打成出粗泡狀
2. 細砂糖分三次加入攪打中的蛋白糊裡, 打成濕性發泡
3. 加入香草精攪勻
4. 把麵粉與玉米粉過篩加入蛋白糊中
5. 放入已預熱180度的焗爐焗約12分鐘.



焗到表面金黃,
有少少似梳乎厘咁, 好靚呀!
不過焗時就無用蛋黃嘅蛋糕咁香.

從焗爐取出後, 唔知洗唔洗倒轉,
因為我今次用紙杯仔而唔係用戚風模.
怕蛋糕會倒塌都係反一反佢好D了.

撕開張紙, 裡面係白雪雪嘅蛋糕.

咬一啖, 雖則都係鬆軟,
但唔好期望佢好似全蛋蛋糕咁軟熟..
屋企整嘅蛋白蛋糕, 會比較有彈性, 有少少似食麵包咁感覺.