前日用咗四隻蛋白整天使蛋糕,
剩下4隻蛋黃.
有諗過用來整燉蛋架!
但兔寶寶係唔食燉蛋嘅,
整咗出嚟果4隻蛋黃只會落入我肚中,
結果係大少就健康了, 我就分分鐘膽固醇過高...
所以就用佢嚟整D點心俾全屋最高膽固醇quota嘅人---兔寶寶食呀!
反正BB食多D蛋黃都無相干吖!
不過咁, 除咗麥當奴豬柳蛋漢堡入面塊蛋(可能索咗D豬柳味)之外,
其他什麼炒蛋烚蛋蒸蛋燉蛋, 兔寶寶都係唔食嘅!
好奇怪呀呵?! 明明我同大少都好鍾意食蛋咁嘛!
又因為兔寶寶係食母乳嘅, 母乳雖然營養豐富,
但係就不含鐵質,
因此母乳B就更加需要食返D蛋黃來補充鐵.
過往我會將熟蛋黃逐少咁溝落其他食物度,
博兔寶寶唔覺唔覺食咗.
有時成功, 更多時候俾佢發現,
咁就會LUR返出來, 唔再肯食了.
參考<周老師的美食教室>,
焗咗一D蛋黃餅.
就返BB口味, 糖份減少至緊緊吃出甜味,
而原食譜本來有糖粉篩面和奶油夾心等我都省了.
大家有吃過澳門其中一樣特產叫"金錢餅"嗎?
這個蛋黃餅就有點似它的味道,
不單止焗時很香, 即使隔了夜吃還能嗅到很香的雞蛋味.
當然新鮮出爐時吃是最好吃了.
好開心兔寶寶好鍾意吃,
一連吃了三塊, 還吃得乾乾淨淨呢!
節錄食譜如下:
材料：
蛋……………………2個
蛋黃…………………4個
鹽………………1/4小匙
糖粉………………100克(已減糖)
低筋麵粉…………180克
雲呢拿油………………少許
做法：
1) 烤箱預熱至205--220℃，烤盤鋪烤盤紙備用。
2) 蛋、蛋黃、鹽、雲呢拿油放盆中，一起隔水加熱到微溫。糖粉篩入拌勻，再高速打發。要打到極濃稠，約需5分鐘。
3) 麵粉篩入輕輕拌一下，勿過度攪拌。
4) 用平口擠花嘴擠在烤盤上，擠成小圓球狀。
5) 放烤箱上層，烤約6--8分鐘。取出放涼。
其實它有點像沒有亞摩利亞味的光蘇餅,
又似以前山崎麵包賣的軟曲奇
(附近D山崎執晒, 好耐未幫襯過, 唔知宜家仲有無得賣呢?)
要注意啊!
雖然叫蛋黃餅, 它的成份是有些蛋白的,
所以太細小還未嘗吃蛋白的BB不適合吃呢!
沒有留言:
張貼留言