去黃金酒店吃自助餐(二)

11月30日  星期五  陰天

公公婆婆同大少都擦呀擦, 究竟有乜野食呢?

好多野食呀, 有燉湯, 蟹腳, 凍螺, 烤蝦....

兔寶寶食到Lam Lam 脷...

今次自助餐嘅食物, 真係比我地想像中豐富,
仲要質素非常不錯呢!
最好嘅係所有野都唔洗排隊等, 補給又補得好快,
所以平日食自助餐就有呢個好處.
呀公同大少食野嘅口味都好相似,
佢地食咗不少即烤羊扒、燒羊架仲有牛仔骨!

今次嘅自助餐以蟹為主題,
除咗有不少蟹嘅食品,
好似焗蟹蓋、蟹肉燉湯、泰式蟹肉鍋巴同泰式炒蟹之外,
(實在太多野食, 連我咁擦得都無可能所有野試勻晒!)
仲有每人一隻大閘蟹, 不過無乜糕咋!
我地求其食咗個蓋入面D糕就算了.

吃到咁上下, 我都分唔清咸同甜了!

兔寶寶吃呀吃, 食到污糟糟...

呢個時候, 媽咪攞咗有小飛俠朱古力牌嘅甜品返嚟..
.

拎住個朱古力牌,
首先要研究一輪先...

兔寶寶咬咬咬..
哎呀, 小飛俠...無咗個面珠登喇!

跟住媽咪拎咗個甜筒返嚟,
兔寶寶見到, 又搶咗!
呢個係H字頭雪糕, 有拖肥、熱情果同芒果口味,
連個雪糕筒都係即場製, 好好食呢!
除咗H字頭雪糕, 同場仲有兩款牛奶公司嘅蓮花杯,,
不過我估就無乜人會食喇!

呢個兔寶寶真係乜都唔執輸,
就連見到侍應姐姐幫我地倒水,
佢都要指住自己個"私家杯", 然後望住姐姐講聲"謝謝"!
咁樣侍應姐姐都不好意思不幫佢倒埋水了...

我地真係食好多野呀, 食完甜品,
又從冷盤再食過;
連公公都話, 人地蝕俾我地呀!

食完野, 真真正正影返張全家幅...
不過有人一影就扭計, 好唔合作喎!

就算daddy抱住都要扭...

好喇, 跟住同舅父影,
咦! 又無呱呱嘈喎!

呢一日嘅行程好開心啊!