去黃金酒店吃自助餐(一)

11月29日  星期四  陰天

呀公生日這一天, 兔寶寶大概是最開心的,
因為佢又有機會偷偷地走入廚房喇!
點趕佢都唔出廚房, 究竟廚房有D乜野魔力呢?



呀公抱住, 又可以採花燈...

呢一日天氣非常唔好, 又落雨又凍,
本身我著住一件短袖衫, 再加一件好薄嘅外套,
入到屯門真係覺得好凍好凍, 於是我同大少放低兔寶寶,
走去呀媽屋企對面嘅商場買衫...
呢D商場仔賣嘅衫又平又靚,
(我覺得啦, 可能有D人會嫌cheap都未定)
我就最鍾意行架喇!

行完一輪, 我地就搭車去黃金酒店,
因為呀哥請吃自助餐呢!
酒店已經換上聖誕裝飾..呢棵係環保聖誕樹,
係用膠水樽所砌成的.

不過整日都未訓過晏覺的兔寶寶, 終於抵不住睡魔,
在的士上瞓咗!
咁佢就無份欣賞聖誕燈飾了!



因為要等埋呀哥放工嚟, 我地坐响lobby度等..
大少就襯BB瞓咗, 幫我影咗好多相..
係呀, 宜家我都好少影單人照架喇!

仲有影唔齊人嘅合照, 瞓咗覺嘅兔寶寶都有份!

呢幾日因為大少放緊大假, 要花少D時間打blog來陪佢,
明天繼續!