糖尿病人食譜: 代糖紐約芝士蛋糕

11月28日  星期三  陰天

為慶祝兔寶寶公公生日,
除咗之前整代糖甜品之外,
我仲整咗個代糖New York Cheese Cake!

為咗可以食得更健康,
我仲特登走咗去銅鑼灣嘅"心甜"烘焙店買零脂肪嘅cream cheese架!
可惜逼完一輪"叮叮"去到果度, 先知無貨!
希望下次可以順利買到!
買唔到零脂cream cheese, 我都响果度買咗包海藻糖,
佢係天然代糖嚟嘅, 好適合糖尿病人食呢!

一焗起嘅cheese cake, 漲卜卜架!


灘凍之後就平咗D, 放入雪櫃雪凍佢.


入盒!

經過長途跋涉拎入屯門, 個蛋糕移咗少少位呀!
都叫大少拎好D架啦!

不過公公都好開心,
唔單係因為收到個蛋糕呀,
係因為兔寶寶肯叫"公公"呢!
其實隻衰豬一早識叫架喇, 但之前見到公公卻唔肯叫.

都算兔寶寶識做,
响公公生日時主動叫人, 難怪公公笑到見牙唔見眼!

代糖紐約芝士蛋糕食譜: New York Cheese Cake

(請把白砂糖轉為代糖, 今次我用太古烘焙代糖, 購自二德惠,
 如可以把普通芝士忌廉轉為低脂/零脂cream cheese, 則更佳.)