糖尿病食譜: 蒟蒻杞子桂花糕

2012年11月27日  星期二  陰天

尋日係老豆生日, 除咗之前整嘅代糖杏仁片曲奇之外,
我仲係前一晚整咗個糖尿病人都食得嘅蒟蒻桂花糕來孝敬佢...

今次呢個桂花糕, 吸收咗上次嘅經驗,
隔走咗大部份桂花, 食响上嚟唔會成口渣架喇!
用埋蒟蒻粉代替魚膠, 更高纖之餘呢,
更加唔怕因為長途跋涉而溶!

簡單食譜:

杞子少許, 桂花一湯匙, 代糖2茶匙, 一小包蒟蒻粉.

用250ml大滾水焗桂花約十分鐘, 然後隔走大部份桂花.
剩餘的桂花水加熱小許, 加入杞子焗一會, 再加入代糖.
把杞子桂花水沖入蒟蒻粉中, 攪拌至完全溶解,
放雪櫃待凝固, 脫模.

我無食過呢D桂花糕架,
因為得四件咁多;
不過呀媽同老豆食完都覺得OK架!

除咗桂花糕, 仲有焗合桃....

今次D去衣合桃啱啱開箱, 粒粒都好大粒呀!

焗完唔記得影相...