搵食

11月2日  星期五  清涼

知道要搬去另一處新地方, 身為全職師奶嘅我,
最關心嘅當然係買餸貴唔貴啦!
當廚房執得七七八八時, 我第一時間飛去附近街市視察..
同樣居於港島的兔寶寶爺爺一早就教路,
邊個街市平D, 邊個街市貴D.
我梗係去平D果個街市啦!

响街市兜咗兩個圈, 原先我預咗呢頭物價係會貴DD,
原來又唔係喎!
好似海鮮咁, 就平過舊居好多.
一斤跳跳扎嘅蝦, 只需三十幾蚊斤.
而且呢個街市有樣好, 樣樣野標明晒價錢,
睇到啱budget嘅先買, 唔洗問來問去,
貴得滯唔買又唔好意思...

我仲發現有兩檔賣散裝零食嘅檔仔呢!
佢地賣D野食仲平過葵涌廣場呀!

不過有辣有唔辣, 其他蔬菜雜貨,
又真係貴過其他街市少少.
好彩, 我發現呢度都有佳寶,
呢間佳寶雖然唔係大,
但都叫做有D平菜買.
否則, 對我呢D成斤成斤菜咁食嘅人,
伙食費真係大好多呀!

入伙後嘅第一餐自煮午餐,
就係一斤白灼蝦, 加一扎白灼皇帝菜,
淥埋一個福字米粉, 成餐都不用50蚊,
夠三個人吃, 抵食得來又豐富.



出外吃又怎樣呢?
 

星期一接埋兔寶寶返屋企, 攪得嚟,
已經係晚飯時間, 求其入咗一間茶餐廳吃...
我的芝士蟹柳雞扒撈丁, 連熱飲.

大少的芥蘭炒牛肉, 連白飯, 餐飲...

呢餐埋單七十個大洋, 都算幾抵食喇~

另一餐, 响另一間茶餐廳...
人地已經係下午茶, 我地當LUNCH.
我嘅蒜蓉雞扒蛋包飯, 連熱飲, 廿九蚊.

大少的洋蔥豬扒蛋包飯, 同樣是包熱飲, 廿九蚊.

凍飲加兩蚊就例牌架啦,
以前在佐敦區, 已有不少茶餐廳要加三蚊了.
在這裡, 餐飲轉飲"啫哩冰", 同樣是加兩蚊,
還可以選擇利賓納啫哩冰、好立克啫哩冰或阿華田啫哩冰.
我的好立克啫哩冰, 分了三分一俾兔寶寶...

不過兔寶寶就麻麻地適合去茶餐廳,
因為佢掛住要攪枱面上的豉油樽、牙籤、糖盅鹽盅咁.
很多時候我會將呢D調味料推埋一二邊,
但俾兔寶寶見到, 就會以絕食抗議我侵犯佢攪事嘅主權.
所以呢, 在家千日好, 响屋企咬吓蘋果好過...