三人行二人食的晚餐

12月30日  星期日  寒冷

星期四呢一日, 大少又放假喇,
佢帶埋兔寶寶出咗去玩...
玩到九點幾, 先同我出去食飯...

求其搵間茶餐廳食...
我要1号晚餐, 雜菜炒鮮魷牛肉,
連埋湯、白飯同餐飲, 都係$45...


大少本來想叫3号餐: 涼瓜炆火腩,
不過我又唔食涼瓜又唔食火腩,
於是叫佢散叫一碟中式牛柳, 加少少錢都可以轉做餐...
呢一份$5X...

呢兩碟餸如果响屋企煮, 相信都唔平得幾多!

出去玩時已經食飽飽嘅兔寶寶,
扭來扭去, 點都唔肯食多一啖飯...

呢排天氣忽冷忽熱,
我又作感冒喇!!
耳仔、喉嚨同鼻哥都超級痕,
係痕, 唔係痛,
不過我覺得痕仲辛苦過痛呢!