又飲茶

11月20日  星期二  晴天

搬咗嚟呢度, 我地十分積極咁搵D平靚正嘅地方食LUNCH,
但好多時都因為時間所限, 來來去去都係去返就近嘅茶餐廳,
突然有一日, 我忽然醒起, 呢度都應該會有稻香吧?!
上網搵下, 原來成個灣仔加埋銅鑼灣,
有成五間稻香!
佢雖然稱不上好好食, 有blog友曾批評佢D出品每況愈下,
不過我地要求又唔太高,
尤其我地兩個自己食的話只求抵食夾大件,
呢度就真係好符合我地嘅要求喇!

星期五晏晝, 我地就嚟飲下午茶喇~
佢有點心孖寶, 响一個LIST中任揀兩項,
只係$14.X.
我地揀咗: 皮蛋瘦肉粥.


薄撐...佢煎得夠火喉, 幾好食架!

煎釀茄子....大少至愛.

唔知咩蒸茄子, 又係茄子...
其實我唔鍾意响街食茄子, 因為好鬼C油,
但係大少就相反, 佢嫌我煮D茄子一滴油都唔落,
話唔好食喎~
所以呢兩碟茄子, 就由大少一個人啃晒..

呢個係雜糧五穀糕,
起初以為係甜品好似紅豆糕果類糕點而揀的.
原來好似馬拉糕咁,
但食落有D似白糖糕果種發酵過嘅味道.

見有個唔記得乜野欖菜炒飯, 只係廿幾蚊,
又叫埋...
一早都知稻香D炒粉麵飯麻麻地,
不過見佢咁平, 呢間又未幫襯過,
咁先叫來試下...
真係炒得不太好, 欖菜又唔夠, 加上已經飽飽地,
食咗少少之後成碟俾我拎走,
返屋企自己再加D欖菜落去當晚飯食...



去飲茶習慣會叫一兩樣甜品,
於是再叫一碟脆麻花...
以前係好似蛋散咁, 宜家就用炸雲吞皮取代,
唔好食喇!

差不多食晒埋單喇,
傳菜員送上呢碟東西, 係攪錯咗我地無嗌過,
大少見到就話反正嚟咗, 就要埋佢啦!

兔寶寶全程自己食...

自己飲, 大個女LU!

臨尾大少出去"嘟"八達通埋單, 呢餐百五蚊,
佢話見到有人只係廿二蚊埋單喎!
睇嚟我地真係要食少D先得喇!