8吋黑糖戚風蛋糕 + 焦糖脆脆

11月20日  星期日 晴天

尋晚整咗個8吋黑糖戚風蛋糕.
用咗黑糖嚟焗香好多呢!
一路焗一路聞住黑糖嘅氣味,
感覺好甜蜜呀!!

今次只係用5隻蛋..
襯有記憶寫一寫低先:

A. 蛋黃5隻 + 30克黑糖
B. 蛋白5隻 + 50克黑糖

A. 料加50克橄欖油, 再加30克奶,
之後加95克低粉拌勻.
加入B料,
以170度焗30分鐘.
(我放焗爐下層...)

襯個蛋糕灘凍果時整埋焦糖脆脆.
今次無論顏色同味道都有進步,
不過就唔係好脆, 有少少硬...
除此之外食响上嚟都有D似美心...

今次响網上搵咗個份量少D嘅食譜.

把10克水, 10克粟膠和40克白糖放於一個長柄鍋中煮至淺黃色,
期間不要攪動, 直至淺黃色出現後拿著長鍋柄搖一下,
繼續煮至金黃色, 立刻離火, 快手加入2克梳打粉,
快速用木匙攪拌20秒直至泡沫開始消失;
倒在鋪有焗爐紙的焗盤上, 待涼敲碎.

唔夠脆, 可能係我用隻木匙太細,
所以攪得不平均, 今晚用隻大D嘅匙試吓先!
顏色方面, 我仲未好掌握到金黃色,
下次再燒耐少少就是了...


有齊材料, 急不及待組合一下先...
人地係美心焦糖脆脆天使蛋糕,
呢個應該叫嘔心焦糖硬硬黑糖蛋糕...



第一次抆蛋糕, 好難抆呀!!

我很醜, 但我很美味!!