滿月
上個月嘅今日, 我好辛苦咁生咗兔寶寶, 開始咗我做媽媽嘅生涯;
一個月過去, 兔寶寶今日滿月, 而我亦都放監, 結束我坐月嘅日子喇!
今日我地下晝就帶埋兔寶寶去飲茶....
可能大家都唔多夠瞓, 心煩氣燥之下, 我同大少响酒樓為咗D雞毛蒜皮嘅事而嘈....
實則為咩嘈呢, 真係唔記得了...
好在大家都好了解, 只不過要一個下台階, 好快就無事了...
我真係要收歛一下, 唔可以响兔寶寶面前嘈嫁!!!
下午婆婆幫兔寶寶用碌柚葉沖涼...
兔寶寶: 影我露點嘅相影靚D呀~
兔寶寶, 唔洗驚.....你皮膚咁黑, 三點都睇唔倒, 係見到肚臍咋~~
沖完涼, 食一陣間奶又搵周公....
點整都唔醒....
失驚無神笑一笑, 問你死未?!
要拜神LU...
拜天....
兔寶寶: 我唔拜呀~~
拜土地同祖先啦~
婆婆極力協助兔寶寶做一個拜神嘅手勢, 不過兔寶寶就睬你都傻, 繼續搵周公....
直至拜完神, 攪掂晒...
抱番佢上床....慢慢瞓啦~~
眼仔look look.....唔瞓LU.....吹脹~~
****************************************************************
沒有留言:
張貼留言