自煮午餐

4月25日  星期五  涼

四月中開始無再湊哥哥仔了, 

時間多咗, 開始煮番多D屋企飯.

之前唔係唔煮, 只係煮俾小朋友食嘅, 

同煮俾奄尖大少食嘅唔同, 起碼口味濃好多.

上星期的一餐午飯,

好把閉, 由三個人去一起去買餸...

 

呢日瞓唔著,

一早起身煲了雪耳螺片靈芝湯.

有灼海蝦做餸.

D蝦好貴呀, 要成百八蚊斤,

大少C都要食, 買了半斤.

炒菜心.

自家制XO醬炒蜆, 

XO醬是我某天亂來的杰作, 

原來好易整架咋!

呢碟亦係全餐最好食嘅, 

大少仲話好食過大排檔炒呢!

呢日應該係復活節來的, 

所以俾咗隻復活蛋兔寶寶拌飯吃~

佢手上攞住果隻, 

就係前日買嘅紙杯.

玩得又用得, 抵呀!

 

在我洗碗時大少捉了兔寶寶去沖涼, 

沖完了再吃西瓜~

好早起身好無聊,

除了西瓜外, 

還有由大少買回來、由我搣皮去核的提子...

唔只吃不到的葡萄是酸的, 

呢兜充滿心機的提子也沒有人欣賞;

原因係佢本身實在太酸了, 

嘥晒我一番心機...