8月30日 星期五 晴天
星期三大少例假,
呢輪佢生咗粒眼瘡, 等佢睇埋醫生就去食LUNCH.
午飯時間， 連茶餐廳都要派飛仔等位.
同咗侍應講話三位, 佢俾張四人枱,
到落ORDER時另一個侍應話三個人要叫三個餐,
唔要一個餐都要叫杯野飲...明白嘅, 租金咁貴, 呀B又真係霸咗人地一張二人枱.
但我都多口問句BB都要計?
佢都有D唔好意思, 話要問下先.
我就話如果真係要叫D野食, 等我地食完兩個餐再D小食啦!
不過最後佢都無要我地叫.
我同大少都係叫牛扒餐,
大少果份跟天使麵, 黑椒汁另上,
咁D麵可以分D俾兔寶寶食.
我就要雜菌汁, 跟薯格.
除咗餐飲, 仲有甜品,
呢日係芒果蛋糕同綠茶紅豆糕.
兔寶寶吃光了整塊綠豆糕!
D相係大少影架,
俾佢激C, 同一表情洗鬼影咁多張咩?!
佢仲要C撐話係快拍...
大佬, 快拍都要影D有分別先得架!
食完LUNCH, 就行咗去SOGO,
同兔寶寶响玩具部行一陣.
之後去行IKEA, shopping前再食過...
買咗爆谷、雪糕、熱狗汽水同肉丸,
食食吓見有新嘅芝士雞肉丸,
又再排隊買...
俾我食咗粒先影相, 同肉丸價錢一樣,
無汁又無芝士味, 唔係唔好食,
但有得揀會食返肉丸囉~
以前都好鍾意行IKEA, 今次感覺唔同咗.
先是由响小食部食野開始...
無咗張長櫈都唔緊要, 我都覺得一張長櫈坐得幾多人吖,
俾多D位人企好過啦!
問題係地下污糟咗好多!
一眼就見有半舊砵仔糕响地下, 唔知乜野人咁無公德心跌咗都唔執返..
我好後悔無做義工執起佢...
因為呀B見到一野踩落去! 當時我一隻手拎住杯爆谷,
另一隻手又要照顧兔寶寶手上的甜筒...
呀B又要我幫佢抺鞋喎!
早知做一做清潔工執起舊砵仔糕, 唔洗我咁狼狽!
入到去傢私部感覺都不好,
很多人坐在梳化...不是試坐那種,
而是三五知己當自己坐咗响coffee shop傾計果種.
大少話見到有人"LONG"埋隻腳上去!
呢個都未算經典, 跟住見到一個強國人拖住一大一細小朋友,
個細嘅剛剛學行, 做呀媽嘅竟然放佢落地赤腳四圍跑...
好, 你自己污糟都算, 佢個大仔竟然跳上一張床上玩跳彈床!
第一次行IKEA行得咁忟陣!
之後去咗遊樂場玩...
兔寶寶唔係玩捉迷藏...
係玩吹泡泡!
以前佢只望住人吹泡泡, 唔會去追去玩,
今次終於都有D反應了!
雖然係有追吓泡泡,
不過都睇得出佢唔投入, 叫做行兩步敷衍下我地咁囉!
玩其他野開心D~
點解D人仔鍾意玩捐山窿呢?!
可能係因為玩果陣覺得自己好高都未定!
行到去公園另一邊, 我同大少坐下休息,
兔寶寶仍然跑來跑去...
小孩子腳骨力驚人!
離開公園,
我地專登兜個圈行咗去中央圖書館附近一小食店買雞蛋仔同魚蛋,
呢度嘅雞蛋仔好食又抵食, 每次經過必買.
小圖已經俾我地食咗幾粒.
之後我地沿天后行去兔爺爺屋企.
經過文具店, 大少話要買個燈籠俾BB,
我就揀咗個飛天叮噹.
兔寶寶玩咗一陣就索性攬住個燈籠瞓.
我都擔心叫唔醒呀B架!
宜家我盡量都唔俾佢瞓晏覺,
真係頂唔順瞓咗都係俾佢瞓十五分鐘左右.
只有咁佢先可以早到早睡早起 + 一覺瞓到大天光!
幸好差不多時間經過間寵物店, 見到有隻極可愛嘅巨大毛毛狗...
即時拍醒呀B睇狗狗, 多得呢隻毛毛狗,
兔寶寶先可以咁順灘起來咋!
行到去北角, 經過德成號,
雖然有咁多蛋卷,
但唔好意思, 全部都已訂嘅...
俾你睇唔俾你買, 仲要休息三天添,
呢D就係老字號嘅氣派喇~
星期三大少例假,
呢輪佢生咗粒眼瘡, 等佢睇埋醫生就去食LUNCH.
午飯時間， 連茶餐廳都要派飛仔等位.
同咗侍應講話三位, 佢俾張四人枱,
到落ORDER時另一個侍應話三個人要叫三個餐,
唔要一個餐都要叫杯野飲...明白嘅, 租金咁貴, 呀B又真係霸咗人地一張二人枱.
但我都多口問句BB都要計?
佢都有D唔好意思, 話要問下先.
我就話如果真係要叫D野食, 等我地食完兩個餐再D小食啦!
不過最後佢都無要我地叫.
我同大少都係叫牛扒餐,
大少果份跟天使麵, 黑椒汁另上,
咁D麵可以分D俾兔寶寶食.
我就要雜菌汁, 跟薯格.
除咗餐飲, 仲有甜品,
呢日係芒果蛋糕同綠茶紅豆糕.
兔寶寶吃光了整塊綠豆糕!
D相係大少影架,
俾佢激C, 同一表情洗鬼影咁多張咩?!
佢仲要C撐話係快拍...
大佬, 快拍都要影D有分別先得架!
食完LUNCH, 就行咗去SOGO,
同兔寶寶响玩具部行一陣.
之後去行IKEA, shopping前再食過...
買咗爆谷、雪糕、熱狗汽水同肉丸,
食食吓見有新嘅芝士雞肉丸,
又再排隊買...
俾我食咗粒先影相, 同肉丸價錢一樣,
無汁又無芝士味, 唔係唔好食,
但有得揀會食返肉丸囉~
以前都好鍾意行IKEA, 今次感覺唔同咗.
先是由响小食部食野開始...
無咗張長櫈都唔緊要, 我都覺得一張長櫈坐得幾多人吖,
俾多D位人企好過啦!
問題係地下污糟咗好多!
一眼就見有半舊砵仔糕响地下, 唔知乜野人咁無公德心跌咗都唔執返..
我好後悔無做義工執起佢...
因為呀B見到一野踩落去! 當時我一隻手拎住杯爆谷,
另一隻手又要照顧兔寶寶手上的甜筒...
呀B又要我幫佢抺鞋喎!
早知做一做清潔工執起舊砵仔糕, 唔洗我咁狼狽!
入到去傢私部感覺都不好,
很多人坐在梳化...不是試坐那種,
而是三五知己當自己坐咗响coffee shop傾計果種.
大少話見到有人"LONG"埋隻腳上去!
呢個都未算經典, 跟住見到一個強國人拖住一大一細小朋友,
個細嘅剛剛學行, 做呀媽嘅竟然放佢落地赤腳四圍跑...
好, 你自己污糟都算, 佢個大仔竟然跳上一張床上玩跳彈床!
第一次行IKEA行得咁忟陣!
之後去咗遊樂場玩...
兔寶寶唔係玩捉迷藏...
係玩吹泡泡!
以前佢只望住人吹泡泡, 唔會去追去玩,
今次終於都有D反應了!
雖然係有追吓泡泡,
不過都睇得出佢唔投入, 叫做行兩步敷衍下我地咁囉!
玩其他野開心D~
點解D人仔鍾意玩捐山窿呢?!
可能係因為玩果陣覺得自己好高都未定!
行到去公園另一邊, 我同大少坐下休息,
兔寶寶仍然跑來跑去...
小孩子腳骨力驚人!
離開公園,
我地專登兜個圈行咗去中央圖書館附近一小食店買雞蛋仔同魚蛋,
呢度嘅雞蛋仔好食又抵食, 每次經過必買.
小圖已經俾我地食咗幾粒.
之後我地沿天后行去兔爺爺屋企.
經過文具店, 大少話要買個燈籠俾BB,
我就揀咗個飛天叮噹.
兔寶寶玩咗一陣就索性攬住個燈籠瞓.
我都擔心叫唔醒呀B架!
宜家我盡量都唔俾佢瞓晏覺,
真係頂唔順瞓咗都係俾佢瞓十五分鐘左右.
只有咁佢先可以早到早睡早起 + 一覺瞓到大天光!
幸好差不多時間經過間寵物店, 見到有隻極可愛嘅巨大毛毛狗...
即時拍醒呀B睇狗狗, 多得呢隻毛毛狗,
兔寶寶先可以咁順灘起來咋!
行到去北角, 經過德成號,
雖然有咁多蛋卷,
但唔好意思, 全部都已訂嘅...
俾你睇唔俾你買, 仲要休息三天添,
呢D就係老字號嘅氣派喇~
沒有留言:
張貼留言