兩天自煮午餐

8月21日  星期三  晴天

這是上星期某天的午餐,
食剩的豬脷加兩條小茄子煮埋一碟...




還有蝦仁炒水蛋, 兔寶寶果日食咗半碟~

飯後還有西瓜,
有瓜瓜食呀B非常招積...

***********************

這是本週一午餐, 先來碟淥油菜...

呢日出門買餸才落大雨,
兔寶寶不肯留在留下姐姐office那裡(有時落雨呢, 行開行埋都會交低俾姐姐照顧!),
係都要去街街...
"的"住兔寶寶就只能到附近百佳買兩棵菜就回家了.
從冰箱摷出兩條腸仔和幾粒四海牛丸, 本來想淥麵食.
大少愛吃濃味的, 就炒麵好了.
茄子雜錦炒冷麵~

用新鮮冷麵加鉅利醬園老抽炒,
大少說要不是正在減肥, 一定會全碟吃清光...

我在廚房準備午餐, 出來後看到兔大師表演雜技...
究竟呀大師係瞓瞓吓落咗一半床吖?
定係上上吓床瞓著咗呢?
真係一個謎...
可以keep住呢個姿勢入定直至我地食完飯,
都咪話呀兔大師唔犀利~


大家唔洗驚呀兔大師掛住練功無飯食喎!
佢食咗早午餐喇!
瞓醒沖完涼再煮一大碗菜心牛肉飯佢食,
食完之後個肚腩呢...
呀大師見我影佢個腩, 即刻走來走去閃避鏡頭!