冬至自家煮

12月21日  星期六  寒冷

前晚大少同我講, 冬至會返來吃晚飯喎~
走去街市睇, D魚呀蝦呀全部貴咗好多,
一斤海蝦嘅價錢平時可以買到兩斤!
於是我只係買咗D蔬菜就返屋企,
整咗一餐無魚無蝦嘅簡單嘅晚餐...


有前兩日已經醃定, 本來預備晏晝食嘅"雙乳焗雞脾"...



做法同之前嘅"南乳雞脾"一樣呀!
不過今次就用咗兩磚細南乳加兩磚腐乳...
大少好LIKE呢!
佢一個人食咗兩隻!

前一晚浸定瑤柱, 整瑤柱節瓜甫..

一人兩粒, 兔寶寶無份...

仲有一碟蒜蒜菇菇炒菜芯苗...
一斤菜苗都唔多夠食...

無煮飯, 焗雞時焗埋薯條...

飯後唔少得湯圓, 呢盒湯圓响上海鋪買...

呢碗係大少嘅第一碗,
之後又再添食八粒,
剩返四粒俾我同兔寶寶share...

兔寶寶早在六點左右已經開咗餐,
呢餐飯佢只係肯食菜同薯條(節瓜甫無分俾佢食)...

學以致用,
飲水會漱埋口..