慶祝母親節晚餐

5月10日  星期五  晴天

星期三大少放假,
我地先去飲茶.



馬拉糕係要襯熱食嘅,
哪怕是食到縮吓縮吓...

無野好玩,
玩除鞋除襪...

食飽飽,  去咗食通天樓上,
North Face羽絨開倉第一天, 低至三折.
大少一掃就掃咗兩件褸, 再加一條"虧佬褲"...
佢係咁話好抵好抵, 又叫我揀返件.
但我麻麻地羽絨, 寧願買大褸.
現場見好多人買到要用紙皮箱pack走,
好誇張.

買完野, 行返去灣仔,
想去馬莎麵包部買野.
兔寶寶唔肯行,
抱抱吓又中眼瞓...

大少就梗係唔會同你抱足全程啦!
求其搵間酒店, 擺底呀B响 lobby梳化,
自己篤住手機玩遊戲, 叫我自己一個行去馬莎買野.

買完野, 有D食物要放在冰箱,
於是叫呀大少做吓運動, 拎D戰利品返屋企.
我就响酒店大堂等呀兔寶寶醒.

*********************

晚上約咗老爺奶奶食飯,
提早慶祝母親節.
早前收到E-mail,
五月份稻香做緊優惠,
龍躉、海石斑及珍珠龍躉只係七十八蚊一條.
去到先知要五月中先至有,
等我地仲一心諗住去食魚添!

都有優惠嘅,
不過係唔多吸引嘅白灼蝦 + 糖醋魚柳.

食慣街市嘅游水海蝦,
呢度呢D唔好食...

糖醋魚, 奶奶話係貴花,
不過我係唔鍾意呢D甜酸汁嘅...

另外叫多個麵包蟹孖寶,
有上湯麵包蟹配衣麵.

跟上湯雜落娃娃菜.

散叫賽螃蟹.

仲有鹵水牛展.

兔寶寶食兩食要坐爸爸大脾食.

跟住要攞筆寫字.

然後拆開奶奶見面時俾嘅糖糖,
一食就食咗幾粒,
返屋企要仔細D刷牙先得了.

反正甜開有路,
食完晚飯去麥當奴食埋雪糕先返屋企!