好耐都未响深夜整過蛋糕喇!
呢排兔寶寶晚上瞓得好咗,
因為我幾乎日日都帶佢去公園"放電",
晏晝最多俾佢瞓一個鐘頭覺,
一夠鐘即刻抱佢去沖涼洗頭! 想唔醒都唔得!
日頭活動量夠, 晚上自然瞓得好!
咁我先夠膽响蝸居中開著個攪拌器整蛋糕!
前晚整咗個八吋黑糖雲呢拿戚風蛋糕,
我本來諗住跟返舊食譜(用蛋黃蛋白各5隻)架!
點知分第一隻蛋時唔小心整穿咗隻蛋黃,
於是我把心一橫, 試下改下個食譜(其實係亂咁來),
希望用少D蛋黃, 可以健康D.
出來效果都唔錯, 特此記錄.
材料A: 全蛋1隻 + 蛋黃3隻 + 黑糖40克------->打至鬆發
材料B: 蛋白五隻 + 糖30克 + 檸檬汁半茶匙----->打至企身
材料A加入30克橄欖油、50克奶和半茶匙雲呢拿油,
拌勻後加入95克低粉,
再分兩次加入材料B, 170度焗30分鐘.
白多過黃的戚風原來是彈性較重,
組織較細密的.
心裡盤算著這八吋蛋糕用了四隻蛋黃,
大少分兩天吃, 都是每天吃了兩隻蛋黃姐...
(雖然以一個中年男子計, 一天吃兩隻蛋黃都是太多了..)
於是把蛋糕一分為二, 用兩個袋子分別裝好.
可是我太失策, 一次過把兩袋蛋糕交了給大少.
佢返咗工之後不久打來, 第一句就問..............
大少: 你話你D蛋糕用咗幾多隻蛋白整話?
我: 係6隻蛋白, 4隻蛋黃呀!
大少: 有無攪錯呀, 你一次過俾4隻蛋我食!
我: 吓?! 你食晒呀?! 我叫你分兩次食架喎!
大少: 唉! 我搣吓搣吓咁食晒喇!
我: 咁你唔覺得飽架咩?! 個蛋糕八吋架喎!
大少: 最弊我個肚唔止16吋呢!
下次我都係整返蛋白蛋糕算了...
沒有留言:
張貼留言