八個月大的一天

12月15日  星期四  晴天

尋日我地去咗飲下午茶.
兔寶寶而家成日揮舞隻手, 好似同人say hi咁.
可能佢知自己八個月生日掛?!
全程都好開心, 仲不斷撩隔離枱嘅人玩,
連D茶客都忍唔住走過來要抱抱佢...
不過佢玩還玩, 唔肯俾陌生人抱呀!
我地叫咗鮮蝦菜苗餃, 牛肉, 蝦腸, 家鄉炒米線;
仲有我至愛脆麻花同貪得意叫嘅高力豆沙.
眼闊肚窄食唔晒打包!


間酒樓專係做婚宴嘅,
襯兔寶寶心情靚靚,
我地臨走都影咗好多相.

飲完茶, 就去咗買玩具俾兔寶寶,
又買咗對BB鞋....
兔寶寶此行收穫真係豐富呀!